今日5pm,中環皇后像廣場突然咁多人? 未係4月1日大遊行喎! 唔通d人記錯左日子? 奇就奇在人人都拎住個枕頭,又好多著睡衣cosplay咁喎! 搞邊科呢?


哦~ 原來今日係國際香港枕頭大戰日!!! 到左5:05,搞手西人Tom爬左上皇后像廣場個像上面(by the way,個像係男人,唔係皇后,點解叫皇后像廣場?),佢話:If Police is coming to stop you, you should say, "You can take my freedom, but you cant take my Pillow!!!" 作為越來越被剝削自由的香港人,聽落呢個gag都有d 心酸...不過唔理,玩左先講! 一聲號令,大家開始Pillow fight!!!


相信大家都有好多怨氣,十分狼死,拎住個枕頭,見野就扑!!! 間唔中有人特別高調的話,就會被人圍毆,通常被圍毆1分鐘後,那誰就會筋疲力盡,嗌投降...



打打下,枕頭都爆了,棉花飄浮,就似3月飛霜,世界怪得誇張,誰又去決定誰正常,不知哪個有異想...



除左群毆,大家最開心的就是圍毆阿Tom,佢一出現,有人大嗌:打大佬呀! 眾人便群起毆之! 難得阿Tom俾人越扑越開心,果然係Pillow Fight達人兼港區話事人!

玩足一粒鐘,大家都好支力了~ Tom宣佈是日Pillow Fight完畢~ 大家將枕頭拋上天,就好似畢業典禮將頂帽拋上天一樣~ 真係好好玩~


唔好諗住玩完拍拍pat pat走得,大家齊心合力,執返晒散落一地o既d枕頭同棉花! 其實都幾難執,不過大家都好有公德心地執返好晒先走~

今年Miss左??? 唔緊要! 下年玩過~ See you next year!!!

搞手靚仔Tom

=====後記======
枕頭大戰未開始,在場的保安阿姐大為緊張,係咁問人究竟搞乜...睇佢的神情咁緊張,都戥佢驚,搵食o者~ 但係我地玩枕頭,犯法呀???
冇幾耐,疑似佢上司的人出現,冇阻止我地玩.
其實我都有d 擔心會有差人到場,但結果玩到最後,差人的黑影都冇個,大家玩得安心~

不過,正所謂,香港始終有一次要出動防暴隊或摧淚彈,希望唔會係因為枕頭大戰吧~


Timable特約記者: 黑莓
攝影: 黑莓
31/3/2012