強國紙紮星矢強化版 — 科大撼莊奇珍神獸展

作者: Timable, 2016年2月4日 (四) 上午11時04分


之前強國有條Weibo話強國街頭出現咗一批紙紮嘅聖鬥士星矢,唔知係二次創作定係有星矢土豪粉絲瓜咗老襯孝子們紮嚟燒畀老豆,o采!乜新年流流講啲貢嘢~

呢頭笑完「鄰近經濟強國」8-1,嗰頭香港3大學府之一嘅科大竟然出現咗類似嘅東東!不過望落其實都唔似紙紮,感覺結實,用料又靚,有啲仲好閃閃!

角色方面,有原創,當然都有二創!冇乜膠味,睇落都幾Cute嫁~



至於典解有呢堆奇珍神獸出現?科大畢業嘅小編讀書時從未見過,拱梗係立即馬上即刻借啲椅whatsapp美少女師妹問吓啦,原來科大呢排係撼莊期,即係唔同Soc(學會)嘅選舉期!喂,人哋真普選嚟家嘛,拉票認真落力啲是常識吧!所以就每支莊(即係候選內閣)都整返隻吉祥神獸出嚟震吓聲威助吓選咁~選舉唔係吓吓都要爆對手黑材料貢低手嘅~



嗱,老老豆豆,啲神獸唔知會擺幾耐,因為個個Soc嘅選舉日子都唔同,亦唔知隔離學校個「你個漿」會唔會擔心友校同學又Take咗嘢,Call 啲慈母入嚟清場,所以,要睇要影相的話就新年好返去觀摩吓喇~

最後,身為上莊老手嘅小編點醒下各位科大同學仔(動作: 反枱 | 語氣: 爆粗),「上莊唔駛貢認真,但求玩得夠開心」~仲有,[ 動真氣Mode ] 唔該關心同參與多啲社會運動啦!隔離學校嘅事都係你嘅事呀!

兩莊互片中

文/編: 黑莓
攝: 科大暗黑林志玲