Calbee+ 概念店

author: Timable, 22 Mar 2016 (Tue) 5:11pm


卡樂B概念店嚟到香港啦,薯片迷都等唔切去朝聖!啱啱開業,一定迫爆,想知究竟有咩特別?睇下小編報告啦!


呢到地方唔算大,大部份位置都擺晒零食架,所以都唔好諗住留喺店內食~ 其實係有上層嘅,但短時間內都唔會開放!


薯片當然係重點啦,總共有11種款式配搭俾大家揀。基本上都係原味薯片加上唔同嘅醬,例如芝士同朱古力醬;而「有味」薯片有兩隻,燒烤味同香港限定「避風塘香辣味」。


芝士醬同朱古力醬令到薯片更好味,如果唔係都真係幾淡!而避風塘都係偏淡嘅,唔好預會好重口味,因為味粉唔係太多,睇顏色都睇得出,小編覺得有小小似熱浪薯片。不過即炸嘅口感好好多,感覺無咁油膩,仲特別香脆!


而小編最最最驚喜嘅,竟然係呢到嘅「牛奶雪糕」!雪糕好滑好濃牛奶味,原來係用日本3.5生乳整嫁,薯片配雪糕真係perfect match呀,搞到停唔到口,話咁快食晒~ 最開心係,雪糕有得單買嫁!
小編推介避風塘香辣味+雪糕,姐係10號!一次滿足晒所有願望~


地址:香港灣仔皇后大道東200號利東街地下G14-15號 (合和中心對面)
營業時間:10:00am – 10:00pm