作者: 玩樂專員
留言


上一篇網誌
2016年4月1日, Timable
仲有唔夠一個月就到2017年,又係時候檢閱一下嚟緊紅館有咩演唱會喇~ 有啲演唱會例如謝霆鋒應該係等到條頸都長埋都未會開到的喇.

下一篇網誌
2016年4月22日, Timable
BEYOND的歌,無人不曉。對於樂迷來說,「家駒沒有離開過BEYOND」。就像世界上偉大的樂隊與音樂人的歌曲一樣,BEYOND的歌是劃時代的。

雲圖 (全港雲吞麵地圖) - 心服口不伏!!!

2016年4月18日 (一) 下午4時27分


港島之選
沾仔記
賣點:乒乓球咁大粒嘅雲吞!蝦肉餡非常爽口彈牙,鮮味十足,雲吞皮夠薄夠又滑,而且價錢親民,三十蚊左右可以埋單,仲係米芝蓮推介添!
中環威靈頓街98號地舖 (星期一至日: 11:00-21:30)
中環皇后大道中153號兆英商業大廈地庫 (星期一至日: 11:00-21:00)



麥奀雲吞麵世家
賣點:傳統嘅「細蓉」,最吸引係麵底,非常彈牙,不過價錢偏貴,而且份量不多~男生食兩碗都未必夠飽!
中環威靈頓街77號地下 (星期一至日:11:00-21:00)


黃枝記麵家
賣點:麵身幼且爽口,湯底有淡淡蝦子香味,雲吞皮薄,蝦肉爽口,唯味道不夠濃郁,四十幾蚊一碗,算偏貴。
中環士丹利街10-12號地庫 (星期一至日: 07:30-00:00)


永華麵家
賣點:開業至今六十幾年仲堅持用鯊魚骨熬湯底,而且雲吞皮同麵都係古法人手製造,所以麵夠彈,皮夠薄,而雲吞係最fit size 嘅一啖一粒~四十蚊一碗,有手製麵及雲吞皮食算合理。另外,免費供應嘅醃蘿蔔粒都係必食!
灣仔軒尼詩道89號地下 (星期一至六: 12:00-02:00)


麥兆記(祖傳)廣州雲吞麵
賣點:雲吞麵湯底由大地魚熬成,鮮甜十足,雖然四十蚊一碗唔算平,不過夠大碗,計返都合理~雲吞大粒又多蝦︿麵係銀絲細麵,夠爽口!另外炆牛腩亦都好出色,記得試埋~
天后電氣道74號B地下 (星期一至日:11:00-23:00)


九龍之選
麥文記麵家
賣點:雲吞好足料,入口啖啖蝦肉,而且夠鮮~價錢適中,不過麵量偏少,一碗不足以當正餐!一場嚟到,私心推介試埋南乳豬手麵,食埋應該夠飽~
佐敦白加士街51號地下 (星期一至日: 12:00-00:30)


劉森記麵家
賣點:舊式老店,又係有醃蘿蔔粒免費供應,麵係竹昇麵,夠哂彈牙,冇鹼水味,湯底鮮甜味濃!雲吞大粒多饀,豬肉蝦肉比例剛好,不過皮可以再薄一點,價錢算係好抵食,三十蚊有找。
深水埗桂林街48號地下 (星期一至日: 12:00-22:00)
深水埗褔榮街80號地舖 (星期一至日: 12:00-22:00)



深仔記
賣點:雲吞蝦肉豬肉比例係七三,皮薄而滑,雲吞整體爽口又濃味~麵比較有咬口,要出啲牙力,不過雲吞麵偏細碗,但價錢尚算合理,三十蚊左右~
油麻地砵蘭街97號地下 (星期一至日: 12:00-04:30)


新界之選
好到底麵家
賣點:屬於較古式嘅麵家,雲吞較細粒鮮味不錯,湯底比較淡口,麵底屬於較乾身類型,煙靱彈牙!價錢同樣係三十蚊有交易,喜歡有咬口麵質必試~
元朗阜財街67號地舖 (星期一至日 08:00-20:00)


成仔記麵食
賣點:做街坊生意為主,雲吞夠大粒,蝦仁大隻爽口,蝦籽湯湯底略帶鹼水味,麵身稍為腍左啲,但絕對係價廉物美之選,二十蚊左右就食到!
大埔安慈路3號翠屏花園商場地下20號 (星期一至日: 09:00-20:00)


  • 圖片來源: OpenRice


關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利