《Yo! 聖艾粒Battle五行欠》 — 專訪呀奴呀占

作者: Timable, 2016年6月29日 (三) 下午1時54分


艾粒繼2012年後再度合體開騷!今次除了搞笑外,還會與一班音樂人來一場Battle!艾粒自解散後,呀奴呀占分別單飛開騷,兩人除了一同在電台開咪之外,已鮮有其他合作,所以今次合體開騷的消息令一眾粉絲都非常期待!

「我哋唔係解散亦唔係復合,只係好似老夫老妻咁過正常生活。」占認為艾粒其實沒有解散,不過不會每年都開騷而已。呀奴指他們依舊常常一起工作,所謂解散其實只是把艾粒的瘋狂和低B收斂了。「現在機會來了!終於可以放低玩過痛快!」

等不了的大場
前年開始,艾粒已構思開騷,而且希望挑戰更大的場地,於是兩人入紙申請紅館檔期,可惜一直未能成功。「本身計劃上年開騷嘅,但抽唔中個期,唔想無了期等,所以今年決定喺伊館開。」相信呀占都好想粉絲可以早啲睇到艾粒再踏舞台,所以心急開騷。

棟篤笑加艾粒首個音樂會
表演形式應該是觀眾最開心的事,呀占表示今次演出主要分兩部分,除了搞笑,還會有唱歌battle!「音樂部分會有聖艾粒battle五行欠,五行欠係上年我自己個騷都有合作過嘅Hip Hop組合,我地會各自唱大家嘅歌,比拚比拚!」呀占話原來艾粒出道十四年都未正式有過屬於自己的音樂會,今次將會是個好機會。

問道為何有開騷的構思,呀奴笑說「通常無人記得點開始,大部份時間都係諗點完。」呀占就話本來想在紅館開騷,回顧過去十幾年的作品,不過可惜今次抽不到期!但相信粉絲們不會介意場地,他們終究只想入場支持艾粒的演出。

今次演出的創作團隊除了呀奴呀占,還有一直支持二人的夥伴!「創作團隊還有張鞭同爛牙蓮!他們由十年前已經與艾粒一同創作!」呀奴表示很感謝他倆的支持。呀占認為艾粒兩人有一段時間沒合作,大家心中都有很多創作念頭,所以創作團隊未必需要更多人參與,不過如果要選心水合作人選,他希望是曾合作的湯駿業或王貽興。

互相尊重 零拗撬
以為兩個諗頭多多的人走在一起,多少會意見不合,繼而口角?Sorry,冇喎!呀奴話男人比較好,知道大家都是為件事好,不會有爭拗!「從來沒有什麼爭拗,兩個人的創作,兩個人都應該過到才算是兩個人的創作!如果有什麼想做但又不適合,那就自己下次找機會做吧!」呀占不約而同覺得兩個人的共同創作加在一起才是圓滿!「每人嘅意見都有好有壞,唔會有best answer,大家各自拎五十分出嚟,都可以做到一百分!」呀占呀奴不愧是好兄弟好拍檔,懂得互相尊重!

各自修行再搞新意思
不少人以為2012年的” TEN ME ME”是艾粒解散前的最後一騷,原來實情是復合騷!「其實艾粒係2009,2010左右解散,2012是一次復合。」呀占話解散主要因為太悶太攰。「當年出咗好多碟又開騷,不斷循環,做到好悶,所以分開做吓。自己去做野仔,奴又做solo,2012又一齊開騷之後再分開~」呀奴表示除了艾粒要回氣,也要讓觀眾休息。「當放下假,畀機會大家同觀眾休息下,各自修行,後會有期時先有新嘢玩!」所以請大家好好期待今次有的”新嘢”!

出道至今,兩人相對的時間可能比家人還要多,會否覺得沉悶?呀奴表示自己從沒想過這問題,而呀占笑言呀奴為人搞笑,絕對不會覺得悶!

單拖諗計還是組合形式度橋的創作力量較大?呀奴呀占覺得兩種形式各有好處,「個人就可以自私啲,唔使理人,因為係自己嘅,而團隊就以組合牌頭,兩個腦運作,各有唔同好處。」他們表示艾粒多年無開騷,有很多主意想加入今次演出,至於自己想試的就留待solo再玩。

負起作為”搞笑人”的責任
棟篤笑之王黃子華指社會現況令他再開不了棟篤笑。對此,呀奴呀占自覺更要帶歡笑予觀眾。「我覺得社會如此反而要做多啲,因為既然我地有個機會可以令市民開心,咁辛苦一啲都要做好佢。」呀奴如是想。
呀占認為最重要是帶開心給大家,令大家可以笑多點。「作為一個提供開心嘢畀大家笑嘅人,都唔出嚟做多啲,其實係冇責任感!」

再出碟?諗下先
今次演出會有battle歌,據占所講,參與歌手包括MastaMic、Yuki Lovey、新青年理髮廳、C AllStar等,他們將反晿Battle艾粒的歌,不過由於版權問題,不會出碟。至少艾粒自己做的新歌,呀奴咁講:「在網路上播放得到大家支持和share經已好感恩,新歌還是會有的,相信日內會讓大家聽到。至於出唱片呢....諗下。」呀占仲話而家好多平台都可以聽歌,所以唔需要出實體碟咁浪費地球資源。

網絡生態造成的變化
新世代處於網絡資訊氾濫的時代,對媒體有著不少衝擊,昔日成功的宣傳方式於今日已不再合用,面對如斯改變,作為傳媒人的呀奴自覺仍須學習。「網絡生態令時間變得不夠用!以為寫好廣播劇,錄完mix埋就可以。宜家仲要拍埋片!時間用多咗,不過亦令大家重溫方便咗。但缺點係網路太多片,你嘅影片時間要配合大世界而要短,係會令我有啲迷惘。係網路上我地仲有好多地方要學習。」

呀奴呀占主持《口水多過浪花》多時,接觸訪問了不少創業者,他們對於做生意竟然是抗拒!呀奴指自己零想做生意,對有關方面完全無興趣。而有過實戰經驗的呀占亦覺得做消費者是比較開心。「《口水》訪問嘅生意人都唔係賺大錢,而且非常痛苦。自己試過做咗五年時裝生意,嗰種痛苦係不足外人道,始終都係覺得自己做消費者最開心!」

最後問他們,如果可以創造一個App,會是什麼?
呀奴的答案很有創意,「《世界上另一個的我》輸了名字、資料和喜好後,在地球的圖案上就可以找世上另一個的我的生活。唔好抄我呀!」
而呀占比較實際,「想有個App係我一撳就可以提升電話電量10%以上!」

今之艾粒一騷後,不知何時會再合體,所以粉絲們,不要錯過~


Yo! 聖艾粒Battle五行欠 on Timable: http://timable.com/event/1216102

相關事件

(檢視全部)

Yo! 聖艾粒Battle五行欠

艾粒終於開騷啦,大家等到頸都長埋!數下手指,艾粒原來出道咗10幾年嫁啦,真係陪住你長...

Yo! 聖艾粒Battle五行欠
音樂 @ 伊利沙伯體育館 表演場
2016年9月29日-10月1日 下午8時15分 (2小時)

楊千嬅《一千零一個楊千嬅的故事》903夢想系拉闊音樂會

原來紅館開跨年演唱會之前,仲有場拉闊音樂會!丁太好忙呀!主題係一千零一個故事,唔知...

楊千嬅《一千零一個楊千嬅的故事》903夢想系拉闊音樂會
音樂 @ 香港會議展覽中心 Hall 5BC
11月7日 (二) 下午8時15分 (2小時)

陳曉東 香港演唱會 2018

闊別咗香港樂壇多年嘅東東陳曉東,最近重返大台參與錄影,仲再度獻唱《劃火柴》一曲,獲...

陳曉東 香港演唱會 2018
音樂 @ 香港體育館 (紅館)
2018年1月1日 - 3月31日 (90日)

陳慧敏《我們叫傻瓜》音樂會2017

update:19/9/2017 更新信用卡優先訂票詳情 陳慧敏Vivian Chan 首個個人售票音樂會!歌迷是咪等咗...

陳慧敏《我們叫傻瓜》音樂會2017
音樂 @ 麥花臣場館
11月1日 (三) 下午8時15分 (2小時30分鐘)

上一篇網誌

2016年6月21日, Timable
今次祖琪嚟到食口福係衝住超大件邪惡雞髀而嚟~~~究竟係點,我地即刻去相~ 隻雞髀有1.5部iphone咁大,你見過未?我見過,我真

下一篇網誌

2016年7月6日, Timable
有新野玩,我哋一定會帶大家去試~最近迪士尼樂園個明日世界主題區換上咗星球大戰主題,有 新項目玩~【飛越太空山】大家都一
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利