作者: Timable
留言


上一篇網誌
2016年7月26日, Timable
小朋友的夢幻樂園、大朋友的童年回憶!位於九龍灣MegaBox的「Comic Park & Cafe (動漫樂園及主題餐廳)」將於8月上旬日正式開幕,樂園以

下一篇網誌
2016年8月2日, 玩樂專員
不經不覺,娛藝(UA)院線已經踏入第31個年頭,為咗同大家分享UA院線里程嘅記錄,UA院線參與製作咗一本書《掠影.浮光.戲院情》,

夏日國際電影節2016 精選推介

2016年7月27日 (三) 下午2時08分


又到八月炎夏有咩玩?最好就有坐定定又有冷氣涼嘅活動~睇戲就滿足到你嘅願望!夏日國際電影節係每年八月其中一件大事,有幾十齣電影畀你揀,好多都係平時較少於大銀幕上映嘅片種!想睇哂咁多齣戲係有難度嘅,揀又唔知點揀?畀啲心水大家啦!

必睇開幕電影
每年電影節開幕電影必定經過精心挑選,今年的《情迷聲色時光》當然不例外!《情》也是今年康城影展開幕電影,為活地亞倫執導的首部數碼作品,展現了30年代荷里活的紙醉金迷。這齣愛情喜劇由謝西艾辛堡、姬絲汀史超域及史提夫加維主演,選角精準,想知有何驚喜就要入場一暏!


影展快遞.片種豐富
影展快遞系列有十四齣電影,片種盡是不同!鍾愛日本推理小說,喜歡反映人性電影的戲迷,《64:少女誘拐殺人事件(前篇/後篇)》會是你的菜。上、下兩部分共四小時,劇情曲折離奇,愈睇愈投入,以為自己加入了查案的一份子。


《雪國戀人》故事講述一對男女在錯的時間遇上對的彼此,由韓國影后全度妍主演,韓粉或愛情片粉絲最適合入場,單單欣賞全度妍演技已值回票價!


世界講大愛,人人想住在烏托邦,瓦努阿圖沒你份,你又會不會考慮把自己的家變成公社,與陌生人分享大愛民主世界?由丹麥名導湯瑪士溫德堡執演的《堅離地公社》話你知世事大多講就容易,做起上嚟唔多掂!理想也許只適合空想。

想睇輕鬆笑片?《野生捕獲小肥仔》係你杯茶。小肥仔與怪叔叔的小學雞式逃亡,過程幽默惹笑,玩埋野外求生,包你笑到有腹肌,可以帶小朋友去笑一場!


歌舞.人生: 向荷里活歌舞片致敬
有不少戲迷是歌舞片粉絲,奈何商業戲院較少上映歌舞片,所以大家要把握影展機會,盡睇此系列的歌舞片!

重點推介《綠野仙踪3D》,故事好睇、歌又好聽,而且經復修及3D處理後,邊看邊似走入童話世界的立體書一樣,非常夢幻~其他歌舞片都好吸引,例如: 《金粉世家》、《仙樂飄飄處處聞》等等,入場聽歌都抵返哂,而且今次錯過了就不知何時才可在大銀幕欣賞,識做當然係買飛先啦!


利維特的神秘國度
今年導演精選是「利維特的神秘國度」,電影《狂戀》長達252分鐘,記錄了希臘悲劇劇場的排演,在長鏡頭下的每一幕場面都散發出神秘氛圍,作為影痴應該入場好好感受一番。


「溝口味」
重口味、好Cult片的觀眾,此系列肯定是為閣下而設!當中《四大癲王》係一齣偽記錄片,講一隊Hard Rock band巡迴演出,面對舊詛咒陰霾,再加上演出意外頻生,仲鑊鑊新鮮鑊鑊甘添~最勁係片中樂隊最後真係被推上路,成為真樂隊,出碟又巡演!


閉幕電影 完美句號
作為影展的perfect ending,好的閉幕電影是必須的!《烈女本色》不會令你失望,故事吸引,話你知世事不一定有所謂的標準,而且演員完全活出角色的靈魂,是一齣精彩的電影。


除了上述提及的好戲外,其餘電影都非常值得捧場!可以的話,小編會盡睇~畢竟其中不少戲種平日不大可能會在商業戲院上映。

夏日國際電影節專頁: http://timable.com/page/hkiff?m=f


關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利