潮玩 Samsung Galaxy Studio

作者: Timable, 2016年9月5日 (一) 上午10時43分


Weekend悶悶哋,女朋友話唔俾我又係安排行街食飯睇戲咁悶喎!本來都諗唔到去邊度好,好彩上一上Timable,又真係有好嘢介紹返!就係去太古城玩最新最潮嘅科技嘢-Samsung Galaxy Studio!


如果你以為淨係玩新手機嘅就錯晒喇!係有過山車玩!唔係掛?唔通Samsung而家連過山車都出埋?非也!係VR呀!即係Virtual Reality,虛擬實境,仲要係360度嘅!一坐上去張特製嘅4D體驗櫈上面,扣好安全帶,帶埋個Gear VR,即刻好似去咗外國主題樂園嘅過山車咁,唔止你眼前身歷其境,就算無將個頭擰去邊個方向,都一樣咁似真實,絕無違和感!好喇,架過山車上到頂喇,女朋友捉住我隻手捉到實一實,我心諗有冇咁驚呀,張櫈又冇離過地,離心極有限啦!點知...點知...係好離心嫁!典解嘅?典解嘅?!女朋友在尖叫,我就在享受堅離地嘅快感!玩完,我極開心,因為同玩真嘅過山車真唔係差太遠,咁樣女朋友就唔會咁快又嗌去海浪公園同滴滴皮,咁又慳返一千幾百!除咗過山車,仲有激流划艇嘅虛擬實境,一樣咁好玩!


玩完兩個坐喺度嘅遊戲,過隔離又有個4D健身體驗,帶埋Gear IconX無線耳機,同兩個有完美身形嘅虛擬拳擊手打Boxing,做運動之餘又猶如親歷其境,真係非一般嘅運動感受!


玩到攰攰哋,係時候玩下新機啦!究竟Galaxy Note7有咩咁勁呢?除咗最勁嘅用隻眼去解鎖之外,勁在支S-Pen!最正嘅function係超方便cap圖同埋整.gif!真係話咁易就可以將自己拍嘅片或者網上嘅影片整成.gif圖share俾朋友,有時見到啲.gif真係忍唔住笑!而且支S-Pen仲可以放大同翻譯,係幾好用!上次女朋友部手機跌咗落水,身為男朋友嘅我又要跌幾千蚊,你話如果Galaxy Note7早啲出就好啦,因為勁防水,防到可以放入水玩,咁除咗唔驚阿女朋友部手機跌多幾次落水之外,同佢玩水水時都可以影相啦!嘻嘻!




用部Note7在水中央開完貝殼之後,過去玩埋智能機械臂幫女朋友畫張靚靚畫,然後再入去星星鏡房影埋張360度嘅相,等佢有得鋪上IG晒下有個咁好嘅男朋友嘛!玩到肚仔有啲餓,梗係去食好西啦!呢個時候,女朋友就話:「不如你買部Note7俾我,再去返轉泰國玩水水影靚相吖!」我心諗:「那有錢…」



Samsung Galaxy Studio詳情
地點:太古城中心2樓中庭及中橋
日期:即日至9月25日
開放時間:上午11時至晚上9時

如欲獲取最新資訊,可瀏覽:http://www.samsung.com/hk/note7galaxystudio/