有人話,每個成年人嘅內心入面都住咗一個小朋友,小T都好認同㗎!最近甚至連動畫大師宮崎駿都話唔退休,要出返嚟繼續畫動畫!連大師都咁講,小T又點會放棄對卡通動畫嘅執著呢!呢個周末,不如就去探下呢班充滿童年回憶嘅卡通人物啦!


「Moomin北歐聖誕之旅」 展覽 @Vcity

姆明唔係河馬,姆明唔係河馬,姆明唔係河馬,因為很重要所以要說三次!其實肥嘟嘟嘅姆明係精靈嚟㗎!佢今次仲帶埋姆明谷成班朋友仔嚟香港同見面,粉絲們仲唔把握機會同佢哋影相~
詳情:https://timable.com/event/1304376

IQ博士「35週年反斗狂歡派對」展覽 @The ONE

小雲同小吉,好重要~你睇下,佢哋嚟喇!唔講唔知,原來《IQ博士》呢套卡通片已經35歲,即係……我們都老了,嗚嗚~想搵返童年回憶,又或者係做返個小朋友,不妨可以去探下佢哋呀~
詳情:https://timable.com/event/1307064


「MINNA NO TĀBŌ點亮東京聖誕夜」展覽 @荃灣廣場

大口仔呢個名,小T細細個就聽過啦!今次呢個展覽仲有埋香港廢青至愛嘅東京景點,好似東京鐵塔同築地壽司吧咁。冇錢又或者冇假嘅打工仔咪去住呢度打卡先囉,都好有feel㗎~
詳情:https://timable.com/event/1304333


Hello Kitty x LINE FRIENDS 「華麗舞會Christmas Masquerade」展覽 @ MCP新都城中心

如果要揀一個又長壽又多人識又可愛嘅卡通人物,小T一定會揀Hello Kitty!雖然Kitty姐己經上咗神枱級,但佢都好願意帶後輩上位㗎!今次就聯同成班Line Friends搞咗個聖誕舞會,仲著晒晚禮服咁,真係好鬼打耳呀!
詳情:https://timable.com/event/1307803

Disney "Dream Big, Princess" 展覽 @屯門市廣場

公主病係人都驚,之但係卡通人物嘅公主呢,應該就大把fans支持喇!今次六個公主一齊嚟到香港,除咗畀港女過下公主癮之外,男仔都可以滿足下自己做王子嘅慾望喎!你知啦唔係好多機會㗎咋……
詳情:https://timable.com/event/1297985