【心思取勝!】聖誕手作禮物推介

作者: Timable, 2016年11月17日 (四) 下午12時22分


仲有一個月多啲就到聖誕節喇!根據非正式統計,最多人揀嘅聖誕禮物通常都係頸巾、銀包……呢啲大路到唔大路嘅嘢。想用心思取勝,贏女神又或者係男神個心返嚟?嗱咪話小T唔益你哋喇,以下呢啲工作坊整嘅手作都好啱做聖誕禮物㗎!


手織咚甩咕𠱸工作坊
織頸巾係有心思,之不過好似悶咗少少囉。如果想有新意又有心意,不如試下織呢個咚甩咕𠱸吖!保暖又好攬,女神見到仲唔心心眼!另外仲有仙人掌咕𠱸,送畀男神都ok喎!

詳情:https://timable.com/event/1287448


銀河星座燈工作坊 (12月)
「陪你去看流星雨落在這地球上~」想送一片星空畀另一半,其實唔難。呢個銀河星座燈真係隔住個mon睇都覺得浪漫,仲可以砌成唔同星座,夠晒獨一無二呀!

詳情:https://timable.com/event/1308787

苔燈泡課程
其實做電燈膽未必係壞事嚟嘅!識得做仲可以做嚟送畀人添!講緊嘅就係呢個燈膽小盆景呀!可以自己設計之餘,鍾意嘅仲可以帶啲舊嘅鎢絲燈膽去整,既環保又特別!

詳情:https://timable.com/event/1301183


香薰手工蠟片工作坊
係人都鍾意香嘅嘢,特別係女仔!咁唔知呢個香薰手工蠟片你又點睇呢?佢係用天然植物蠟再加上香薰精油整成,成件事好清新好大自然,最啱就係文青type嘅女神喇!

詳情:https://timable.com/event/1304922

睇完都仲係心大心細,唔知揀咩禮物送畀人好?唔緊要,click入嚟睇下啦:https://goo.gl/uMnLvh,實有嘢啱你心水喎!