【聖誕攻略】周末必去!香港5大聖誕市集

作者: Timable, 2016年12月6日 (二) 下午12時30分

距離聖誕節得返幾日,男小T諗到頭都爆埋都未諗到送咩畀女小T好呀唉。聽講今個月開始會有大大小小唔同嘅聖誕市集,就等小T去睇下有咩正嘢先!唔買去感受下聖誕氣氛,都好呀!


=================================

赤柱廣場德國童話村聖誕市集


嚿年大受歡迎,以童話做主題嘅赤柱聖誕市集今年又返嚟喇!除咗有唔同嘅攤檔之外,市集仲會有座5米高嘅糖果屋同埋全港第一個波板糖自助餐,又有得行又有得影相呃like仲有得食!女小T去完仲唔sweet爆!

詳情:https://timable.com/event/1311662

愉景灣音樂聖誕市集


放假唔想留喺市區?咁呢個喺愉景灣嘅聖誕市集應該啱你喎! 現場有超過100個攤位,周不時仲會有得睇表演添!愉景灣嘅佈置亦都出咗名靚,今年仲玩埋5D元素。行市集行到攰嘅時候不妨可以去玩下影下相吖!

詳情:https://timable.com/event/1307671

「市集生活 . 陪你過聖誕」手作市集@YMCA


呢個市集有成60檔純手作單位參與,有啲仲係特登由台灣飛過嚟香港擺檔,勁有誠意!聽講手作可以帶畀人溫暖,呢個聖誕不妨去行下手作市集,感受下吖~

詳情:https://timable.com/event/1327593

麥田捕手「糖果之旅」聖誕市集@荃新天地2期


有行開市集嘅文青們都應該有聽過「麥田捕手」呢個名。今年聖誕佢哋就同荃新天地合作,以糖果做主題舉辦聖誕市集。現場會有糖果聖誕樹,仲會有個放滿巨型糖果嘅糖果池!行完又有得影相呃like,文青們仲唔出動?

詳情:https://timable.com/event/1315193

奧海城「戶外聖誕市集」


聖誕節除咗同男神女神過之外,同屋企人過都一樣咁開心!奧海城呢個聖誕市集唔單止有平時常見嘅手作攤位,仲設有兒童檔主專區,畀小朋友試下做檔主嘅滋味。呢個市集仲要係九龍區最大型嘅戶外市集,夠晒方便,啱晒一家大細去呀!

詳情:https://timable.com/event/1317378