作者: Timable
相關事件 (檢視全部)
留言


上一篇網誌
2月3日, Timable
小T夠膽講,香港人肯肯定係惜花之人!乜你唔見年年都有成村人飛去日本韓國賞花咩?不過都係嗰句啦,哪有假喎…而且只要細心留

下一篇網誌
2月7日, Timable
仲有一個星期就到情人節,諗好送咩畀另一半未先?眾所9知,禮物呢家嘢親手做嘅永遠都係最有誠意,最能夠打動人心!唔好話小T唔

伊藤潤二展覽香港站 有咩位必睇?

2月6日 (一) 下午3時28分


身為伊藤潤二忠實粉絲嘅小T,見到之前台灣有展覽真係十級葡萄!不過而家小T唔使羨慕妒忌恨喇!事關伊藤潤二恐怖美學體驗大展香港站將會喺今日(2月6日)開幕,小T噚日仲去咗優先場添~


一去到PMQ正門就見到大大塊backdrop,上面仲有兩個人型氣球飄飄下,一睇就知係影相打卡位啦!

向前行就開始伊藤潤二恐怖美學體驗之旅~~一入場首先係AR實境展區,戴上現場提供嘅AR眼鏡,你就會發現一個又一個熟悉嘅漫畫人物竟然識郁!!耳邊仲不時傳嚟慘叫聲!!真係夠晒氣氛,忠實粉絲表示好滿意~~


下一個展區就係由世界級恐怖少女富江睇場!全裸半浸喺水入面嘅富江,真係好…好靚呀~~(喺FANS眼中應該睇咩都覺得靚)牆上面仲有一幅伊藤老師同無限復活嘅富江嘅合照!另外場內亦有一位富江cosplayer,等大家可以真實感受到富江嘅恐怖美~呢個展區嘅另一面就係香港特別展區。製作團隊巧妙咁將伊藤老師嘅作品同香港街頭結合,係全球獨家㗎!



之後就到魔之碎片原畫手稿展區。原畫喎,手稿喎,一生人有幾多次機會可以親眼見到恐怖漫畫大師嘅手稿?今次唔睇就冇㗎喇,記住落足眼力細心品賞!(題外話,有幾多人同小T一樣,見到《鬼木宅》嗰間屋就會成身起晒雞皮?)


登登登櫈!係成日含釘嘅雙一呀!雖然佢性格古怪又鍾意詛咒人,但小T真係覺得佢好得意~所以一見到有雙一cosplayer就即刻走去影相,不過影嗰陣有少少驚佢會用個鎚仔嚟打我……


最後必玩人頭氣球拍照亭,將你個樣key落人頭氣球度!溫提:部機會影3次,記住塊面要對正個圈圈,同埋個樣有咁恐怖得咁恐怖,咁先襯返成件事㗎嘛係咪~


走嘅時候當然唔少得買紀念品啦,種類都算多,膠紙去到T-shirt都有!小T就推介雙一成口釘口罩喇!


【伊藤潤二恐怖美學體驗大展】
香港站
日期:2月6日至26日

時間:10am - 9pm

地點:中環 PMQ 元創方

更多詳情:http://timable.com/event/1249291

伊藤潤二恐怖美學體驗大展 香港站

伊藤潤二恐怖美學體驗大展確定冬季襲港! 無止盡增生繁殖的 "富江" 追逐殺慄卻帶著漂浮黑...

伊藤潤二恐怖美學體驗大展 香港站
藝術 @ 元創方
2月6日-26日 上午10時 (11小時)

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利