【女小T私心推介】VICHY溫泉礦物保濕修護系列

作者: Timable, 3月20日 (一) 下午1時18分


三月乍暖還寒,仲周不時落雨。之不過你唔好以為天氣潮濕,皮膚就可以唔使保濕呀!其實無論喺咩季節,肌膚都要做好保濕,望落去先會晶瑩剔透!最近小T就用緊VICHY溫泉礦物保濕修護系列,效果都唔錯㗎!一齊睇下~


呢個系列係全新推出嘅,當中嘅溫泉礦物保濕修護微精華液絕對係重點推介!事關佢用咗革命性「水+油」配方,模仿返皮膚嘅水油黃金比例,再加上魚鯊烯、維他命E等精華,肌膚更易吸收!用咗幾日之後,皮膚仲變得白滑咗添!睇相好似唔係好覺有精華喺隻手上面咁,因為佢已經瞬間吸收晒喇哈哈!


要全方位護膚,當然連瞓覺嘅時間都要好好把握啦!呢個系列另外仲推出咗火山溫泉SPA睡眠面膜,質地水潤易推開,瞓醒真係feel到皮膚好似飲飽水咁,充滿水光感~


就算係平時返工都唔可以偷懶㗎~你知啦office長開冷氣,皮膚好容易就變得乾燥。呢個時候出動火山礦物溫泉水,得閒就噴下,保持空氣濕潤,咁皮膚就唔會乾爭爭啦~而且小T都係敏感一族嚟,噴完呢支溫泉水,塊面都會神奇地出少咗粒粒㗎!


希望大家都可以同皮膚一齊過一個濕潤又滋潤嘅春天啦~ <3

Timable女仔嘢
小T-小文青

上一篇網誌

3月9日, Timable
嘩嘩嘩,呢幾個月韓風襲港,好似啱啱過去咗嘅星期六就有金在中oppa舉行演唱會。嚟緊仲有更加多oppa輪住嚟香港!女小T FF mode:佢哋

下一篇網誌

3月28日, Timable
最近天氣開始熱,周不時又會落雨,敏感嘅小T知道,春天差唔多要嚟喇!正所謂「一年之計在於春」,想皮膚喺嚟緊呢年變得靚靚,
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利