作者: Timable
留言


上一篇網誌
3月20日, Timable
三月乍暖還寒,仲周不時落雨。之不過你唔好以為天氣潮濕,皮膚就可以唔使保濕呀!其實無論喺咩季節,肌膚都要做好保濕,望落去

下一篇網誌
3月30日, Timable
嚟緊四月又有清明節又有復活節,相信咁多位打工仔都已經mark定晒日子等放假㗎喇!但大家又知唔知道,原來四月仲有一個兒童節(4

【女小T私心推介】春日護膚小貼士

3月28日 (二) 下午2時38分

最近天氣開始熱,周不時又會落雨,敏感嘅小T知道,春天差唔多要嚟喇!正所謂「一年之計在於春」,想皮膚喺嚟緊呢年變得靚靚,不妨由呢一刻做起!而家就等小T醒幾個春日護膚小貼士畀大家啦~


1. 徹底卸妝
香港春天又悶熱又潮濕,皮膚亦比平時容易出油。如果同小T一樣係敏感肌就仲慘,卸妝一唔乾淨就會出晒粒粒,真係見到都唔開心!所以話,一支好嘅卸妝喺春天係唔可以缺少!好似LA ROCHE-POSAY嘅呢支溫泉舒緩低敏卸妝潔膚水咁就為之高效潔淨喇!


除咗卸妝,佢仲可以有效去除PM2.5污染微粒,同時保護敏感肌,增加水潤感。而且0香料、0酒精同0防腐劑,日日用都唔怕啦~

2. 幫皮膚補水
上文提過,春天皮膚容易出油,所以你要做嘅就係畀皮膚飲飽水~保濕做足,肌膚望落都通透啲啦!
呢支SkinCeuticals嘅H.A.塑顏飽滿緊緻精華唔單止幫你補水,仲補埋透明質酸!


佢會幫你增加皮膚透明質酸嘅含量,從而達到長時間嘅持續補濕效果!用耐咗,幼紋都少啲呀!

3. 做好防曬
春天太陽雖然唔算好猛烈,但係紫外線高到嚇親!所以要防曬,就要由春天開始做起,咁先唔會不知不覺曬黑㗎~


4. 從內去濕
外就要保濕,但係內就要去濕!有冇發覺自己一到春天就會好易攰,成個人都好重咁吖?咪就係因為濕氣重囉!得閒飲下啲去濕湯,個人都精神啲,皮膚睇落都好似光亮啲啦!小T就飲過以下呢個去濕湯,效果都唔錯㗎!


冬瓜去濕湯
材料:去濕湯料包一包、老冬瓜一斤
做法:將去濕料浸洗,老冬瓜連皮,核洗淨,切塊;將全部材料放入煲內,用8碗水煮3小時成4~5碗即可供飲
小貼士:冬瓜皮結白霜者為老冬瓜,有清除熱毒功效,就算身體虛弱之人,飲用亦無妨。可加蜜棗,瘦肉同煮

5. 多飲水
除咗皮膚之外,身體都要補充足夠水分,咁先可以排走身體入面嘅毒素。排晒毒,咁皮膚咪更加靚靚囉~係咪唔難先?

資料來源:芳姐保健湯餸 http://www.healthy-food.hk/


關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利