【佈置超吸睛!】i.t blue block 全新概念旗艦店

作者: Timable, 7月7日 (五) 下午12時17分

i.t 將會喺希慎廣場6樓全層開旗艦店,入面有齊晒美妝護膚、生活小物、特式家品同飲食品牌,等你衣食住行都可以keep住潮!當中嘅STYLENANDA Pink Hotel就最得女小T歡心喇!聽講係以韓國明洞嘅STYLENANDA Pink Hotel旗艦店做藍本,以酒店做主題,成間舖都係粉紅色,再配埋白紋雲石牆身,勁夢幻!


為慶祝開店仲推出咗3CE Lucky Bag,限量120個咋!韓妹們唔好錯過~


除咗STYLENANDA之外,旗艦店仲有好多影相位畀大家盡情呃like㗎!好似呢個「1比1貨車試身室」
,破天荒將廢棄貨車改裝成試身室,再以粉藍色重新粉飾。車外就以沙漠嘅加油站作主題佈置,放置咗路牌、油筒等裝飾,勁有外國公路feel。大家試衫之餘記住影多幾張相留念呀!


鍾意影相嘅,仲可以去埋「多媒體互動專區」,入面有部「巨型相機」,其實係自拍照相館嚟嘅,只要輸入簡單嘅個人資料就可以免費影相㗎喇~張相仲可以即時send去電話度,秒速呃like冇難度!


行街行到餓餓哋,又可以去SWEET MONSTER爆谷雪糕店買杯雪糕食下,又或者去7月下旬開幕嘅日本人氣班戟店 FLIPPER’S 坐低慢慢歎件pancake,之後又可以再去血拼喇!





開店初期更會推出季節限定班戟,千萬不要錯過。

限定蜜瓜班戟


i.t blue block仲入手咗好多新潮牌,好似係ban.dō、F E L L A .、AMERICAN HOLIC、ANOTHER YOUTH等等。無論係男、女裝,定係家品雜貨,都一應俱全!睇嚟女小T都要約埋班潮人friend一齊去行下先得喇!

封面圖片來源:Pinterest

上一篇網誌

7月4日, Timable
朱栢謙,一個聽很久的名字,在不同媒介也見到的足跡,是怎樣進入表演行業? 我中一至中三的時候就讀沙田蘇浙公學,當時的大師

下一篇網誌

7月10日, Timable
前排一套《美女與野獸》電影,令到妹豬們發夢都想變成貝兒~又係嘅,入面啲戲服咁靚,又有俊俏嘅王子,仲有茶煲太太等得意到爆
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利