【貓奴失守！】超打耳喵星人化妝品推介

如果女小T話貓咪係世界上最可愛嘅生物，相信應該冇人會有異議吧。最近有美妝品牌亦都睇中咗呢點，用貓咪做主題推出化妝品。唔單止外型精緻，CP值亦超高！

CATISS 貓掌護唇膏

好多貓奴都有舖鍾意聞肉球嘅癮，咁唔知呢支護唇膏又滿唔滿足到你哋嘅慾望呢？



CATISS係台灣自家製品牌，所有產品都係自己設計～而最新推出嘅呢款貓掌護唇膏就更加係引起哄動！瓶蓋上有一個可以任摸任撳嘅肉球，極治癒！除咗外型可愛之外，佢嘅成分亦都非常天然，由內到外都一樣講究㗎～而家仲做緊限時優惠，大概港幣$100就有一支！


Missha 肉球單色眼影

另一個就係韓國牌子Missha。佢嘅eye shadow不嬲都出「色」，最近仲推出埋肉球壓紋眼影，真係叫人唔忍心用呀～



同場加映狗骨款，啱晒鍾意汪星人嘅妹豬！而且佢嘅價錢一啲都唔貴，一粒都只係大概港幣$35，CP值超高！鍾意閃令令可以揀閃粉，想低調嘅就可以揀霧面～



另外介紹返，嚟緊朗豪坊會舉行「貓咪休息寫真」展覽（http://timable.com/event/1472592)，鍾意喵星人嘅大家可以去捧埋場呀！

資料來源：http://www.catiss.com/pages/cat-palm-lip-balm、
http://missha.beautynet.co.kr/