【Netflix原創】美版《死亡筆記本》電影登場!

作者: Timable, 8月25日 (五) 下午1時19分


YouTube 影片

日版《死亡筆記》大家睇得多,原創漫畫亦都多次被拍成真人版電視劇同電影,唔少粉絲都非常期待Netflix版本嘅改編。


故事大綱同原創漫畫差不多,都係描述一名高中生意外發現一本擁有超能力嘅筆記,筆記蘊藏神奇力量,只要筆記主人寫下某個人的名字,並喺腦中諗住佢個樣,當事人就會死於非命。意外獲得呢項有如神助嘅能力後,呢名年輕人就開始佢嘅殺人計劃,殺害佢認為不配活在世上嘅人。


美版《死亡筆記本》電影用上4K拍攝,仲邀請咗英國著名攝影大師David Tattersall(曾拍攝《星球大戰前傳》第一至三集、《綠里奇蹟》)參與拍攝。佢哋亦決定擺脫漫畫及卡通化拍手法,反而參考經典《的士司機》及《搏擊會》的畫面質感、《法國販毒網》及《七宗罪》的追逐場面等等,增添真實感及奇特風格,建構《死亡筆記》的取鏡及拍攝模式。



另一個焦點當然就係死神啦!今次電影嘅死神角色就由《蜘蛛俠》「綠魔」演員Willem Dafoe聲演,為電影中身高達9呎、暗黑造型嘅死神角色增添恐怖感,用傳神聲線演活邪惡死神。


而今次呢位死神亦都係一個「有故事的人」,事關導演Adam Wingard將死神路克設定成為歷史久遠嘅人物,死亡筆記經歷歷史洗禮,落入美國高中生Light Turner手上之前,除咗曾於日本從天而降,連拿破崙、維京人甚至中國漢朝皇帝都曾擁有此筆記,所以製作死亡筆記道具時更加入中英法日文的字跡!大家睇戲時不妨細心留意下丫!

上一篇網誌

8月15日, Timable
萬用蔥油醬,用來拌飯真的一流!!超易做!! 食材 (1-2人) 蔥花 200克 薑蓉 30克 鹽 7克 熱油 100cc 麻油 1茶匙 1. 先把蔥及薑迫切成

下一篇網誌

9月1日, Timable
甚麼是《賽馬會藝壇新勢力》? 藝發局近年積極向海外推廣本地藝術,將香港的出色藝術家帶到國際舞台,得到香港賽馬會慈善信託
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利