草地 x LiveBand x 嘉年華 瑞銀香港高爾夫球公開賽番黎啦! 23日及24日免費入場

作者: Timable, 10月27日 (五) 下午5時27分


一年一度瑞銀香港高爾夫球公開賽又黎啦!上年有超過4萬6千人入場,今年會唔會破記錄呢~有別於一般高爾夫球大賽,瑞銀香港高爾夫球公開賽除左專業性高,連娛樂性都相當高!


踏入秋冬,自不然會開始有去草地野餐嘅衝動~ 往年嘅瑞銀香港高爾夫球公開賽,就加入左草地野餐、Live Band、藝術工作坊等流行元素,一家大細都岩玩,今年都會有差唔多的活動,詳情請留意大會公佈喇! 觀眾可以一邊野餐一邊欣賞國際大師級高爾夫球選手球星英姿,中場休息可以去玩下藝術工作坊,完場後仲有Live Band聽,真係超多精彩活動呀~ 小朋友仲有機會親身試打高爾夫球,分分鐘發掘出香港本地高爾夫球大師㗎!


講完娛樂性,就講下球迷最關心嘅比賽同選手陣容~

瑞銀香港高爾夫球公開賽係2018 年歐巡賽「Race to Dubai」的首站賽事,同時係2017 年亞巡賽賽季最後幾場賽事之一,所以對高爾夫球職業球員排名榜重要㗎,所以選手們都會嚴陣而待~

來自西班牙嘅比路(Rafa Cabrera Bello)上年曾領先三輪比賽,可惜最後同冠軍寶座擦身而過,期待佢今次有更佳表現!

世界級高爾夫球星羅斯(Justin Rose)曾於「瑞銀香港高爾夫球公開賽 2015」中稱王, 今年將會再次黎香港問鼎寶座!

弗利特伍德 (Tommy Fleetwood) 上年係瑞銀香港高爾夫球公開賽中排名第三位,唔知今次有冇機會挑戰冠軍呢?


美國大師賽冠軍得主Sergio Garcia今年亦即將首次來港出戰比賽,今年4月Sergio係奧古斯塔成功擊敗對手Justin Rose,首次揚威大滿買,著上代表冠軍嘅綠色外套(Green Jacket)!相信香港高球迷都對Sergio今次比賽好期待,唔知Sergio會唔會著埋佢年Green Jacket黎香港呢~


除左同上年一樣,21歲以下市民可以免費入場觀賽,今屆賽事頭兩日(11月23日及24日)將免費俾所有市民入場打氣,要打破上年 46,000 位入場觀眾記錄冇難度啦~~

大會網址:http://www.ubshkopen.com

相關事件

(檢視全部)

瑞銀香港高爾夫球公開賽2017

瑞銀香港高爾夫球公開賽 23日至26日正式開戰 購買門票可瀏覽: http://www.ticketflap.com 瑞銀香港...

上一篇網誌

10月26日, Timable
最近打開ig同facebook,都見到好多朋友洗板post紅葉相…呢個喺韓國南怡島,嗰個就喺日本河口湖……得喇,知你哋又有假又有錢喇!其

下一篇網誌

10月30日, Timable
萬聖節又到喇!相信應節嘅你一定會入鬼屋尖叫一輪,但怕鬼又想感受下萬聖節氣氛,可以有咩選擇呢?一於䏲下今個萬聖節有咩特別
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利