楊千嬅唱的,都是香港的《最後的歌》— 《一千零一個楊千嬅的故事》拉闊音樂會短評及歌單

作者: Timable, 11月8日 (三) 上午9時43分


楊千嬅、拉闊,密不可分的兩個名字。
筆者細細個聽楊千嬅大,第一張M字頭信用卡用了十多年,犧牲了多少里數。
只因拉闊門票比機票珍貴得多!
由楊小姐到丁太的第8次拉闊,有幸成為觀眾,當然要感返個靚恩先~

音樂會一開場,由黃淑蔓帶領一眾演員以千嬅歌詞演譯少女心事。
然後跟鄧小巧跟千嬅一人一首,原來小巧唱歌跟千嬅又有幾分相似。
《如果東京不快樂》Backdrop不停打出「如果XX不快樂」,其實大部份都中晒大家痛處,因為「如果香港不快樂」。
On仔@C AllStar同顏卓靈合演短劇,顏卓靈唱歌又幾好聽嫁喎!
陳柏宇千嬅合唱《小飛俠》,原唱都係叫Jason,就坐在台下,是平行時空下的2個Jason。
坤哥扮唱K經典K歌《飛女正傳》,千嬅都唱返首《動地驚天愛戀過》。
然後《最後的歌 X 最好的債》係好嘢嚟!
Encore時段Ivana現身台下(坐喺原先夕爺坐緊那個位,夕爺個位唔係人人敢坐) 唱《閃靈》,再台上台下對唱《勇》堅係正!
《飲酒思源》好千嬅!陳輝陽X林夕X千嬅真係太強!
楊千嬅唱《楊千嬅》,世界冇另一個人Eligible唱呢首歌!



拉闊水準不變,千嬅動人不變,變的,是世界。
《每當變幻時》講的是1997年阿妙27歲,在街市努力賣魚還父債,經歷千年蟲及喪父等挫敗,離開富貴墟轉行化妝,然而10年後富貴墟最終還是被拆,這是97後的第一個十年。
2007年,香港實施室內全面禁煙,阿妙化身余春嬌,繼續做化妝,而做化妝都要做到返大陸兼且「腿張開」,盪然迷失,這是97後的第二個十年。
現實中,經歷了兩個十年,香港歌手也紛紛北上搵食,乜鳩歌手也好,乜柒真人Show也好,千嬅也不例外。
今晚聽著聽著,明明這幾年日日在Office播著KKBOX,總是選著外國歌手來聽,就是沒有選楊千嬅來聽(當然也是怕聽廣東話太熟會影響工作效率),偏偏今晚的歌幾乎可以條件反射地琅琅上口,明明男人老狗死麻甩聽《姊妹》《少女的祈禱》都會喊咗,除了是因為千嬅本身感染力強之外,眼淚也是流給香港最好的年代的。你問我2017香港有那首新歌,大概我只能答得出Gin Lee。
正如阿妙賣魚的時代,縱然辛苦,卻快樂,也有回報。
如今,對大陸「腿開張」,嘢嘢幾百億送上去,聽妖言歪理聽到唔識嬲,歌星們個個8+1衝上去搵錢,哪裡來創意,哪裡來本土文化?
你在Timable搜尋一下2017年在紅館開演唱會的,有多少是「食老本」的?以前還會為演唱會出隻新碟「做下樣」,如今戲都費事做,反正Sponsor都mark好晒飛,出新歌都慳返。
我有嬲過千嬅返大陸拍真人Show節目,我有嬲過千嬅唱♫因此知道珍惜我的香港♫
但介紹返,嬲是源自對一個人的喜愛與期望,正如我唔會嬲那山雞省政協拍大陸節目教仔,一來佢拍此等節目沒有違和,二來佢識唔識教仔「關我L事?」。
唯友人一語道破:「屌你,你夠有收XX(大陸Brand)廣告啦!」當頭棒喝,所言甚是。
是時候出男神牌頂一頂:搵食啫~犯法呀?
是現實,是低頭,是沒有骨氣。
拉闊的今天,周永康保釋外出,但還有誰記得各位因佔中而被判罪的朋友、東北的朋友、已保釋的柒警(是咪繼續咬糧?)、被DQ又被追糧的民選議員、話「殺無赦」嘅所謂英國執業律師等等?
喂,咩嚟嫁?食得嫁?是但啦~算數啦~
梗係睇下今期流行咩抹茶紫薯放題,再睇吓邊間Airline平跟杜如風跟森美去返三幾轉日本啦!
我討厭政治,但很喜歡那份3.6北海道牛奶厚切蛋治。
兩者都是治,不要分那麼細。
嬲楊千嬅,真心問,我有資格麼?



應該沒有,所以說回今晚的拉闊。
唱了很多歌,但都被斬得零碎,碎片化了,就像如今各位在FB接收的資訊一樣。
如你讀此文章讀到此處,筆者真心地多鳩謝你。
全晚完整唱晒的歌沒有幾多首。
不過Back to 返個主題,一千零一個楊千嬅的故事嘛,首首唱晒要唱幾日呢。
感動位是有的,包括讀出那封歌迷媽媽的信。
千嬅一開聲,筆者幾憤世嫉俗都被軟化了。
千嬅代表一個世紀的香港女性,甚至是香港男性的少女心。
一句歌,一個笑容,一個反應,入屋過那Big Big Chanel 9萬倍~
夕爺的確對自己身上的這忽肉不俗,寫給千嬅的詞是特別的好,令千嬅成為大家心目中有血有肉的人。
看演唱會其實不是看演唱會,是跟這位舊朋友聚舊。
佢識你老鼠咩?非也,我真心認為千嬅願意跟我們每一個人面談,只是大家有著各自生活,你阿媽叫你返去食飯都唔係次次返啦,是咪先?
至於睇唔睇紅館?筆者本身不打算看,畢竟紅館只適合港人大眾口味。
(對,筆者是話要有飛就有飛的小圈子權貴...)
今晚過後,可以再考慮。
想到紅館看的,不是升降台煙花激光道具Dancers,而是想再看到余春嬌、阿妙、方麗娟和華星年代的楊千嬅。
那是香港最好的年代,有些東西是回不去的。
楊千嬅唱的每一首歌,都是香港的《最後的歌》。

♫ 旋律比我幸運 我的下場沒法知 ♫

PS. 筆者未入行前成世人做的第一個名人專訪就是大學時期訪問楊千嬅,一直希望再有訪問她的機會。




Rundown & Setlist
楊千嬅《一千零一個楊千嬅的故事》拉闊音樂會
7/11/2017 香港會議展覽中心 Hall 5BC

狼來了 (鄧小巧)
等得太久 (千) (千嬅新秀參賽歌曲)
夏天的故事 (鄧)
斗零踭 (千)
熱血青年 (鄧)
直覺 (千)
一千零一次 (鄧)

烈女 (千)
如果東京不快樂 (千)
愛在旁若無人的太空 (千)

有發生過 (On仔@C AllStar X 顏卓靈)
8步半 (千)
因為所以 (千)
冬天的故事 (千)
冰點 (千)
洋蔥 (On仔 X 顏)
愛人 (千 X 顏)
假如讓我說下去 (千)
好不容易遇見愛 (千)
姊妹 (千)
香港小姐 (千)
All About Love (千)
Mr. (千)
野孩子 (千)
小飛俠 (千 X 陳柏宇)
剛剛好 (千)

飛女正傳 (吳業坤)
可人兒 (千 X 坤)
動地驚天愛戀過 (千)
最後的歌 X 最好的債 (千)

Encore
閃靈 (王菀之)
勇 (千 X 之)
快樂與哀愁 (千)
(Interview Video)
E714342 (千)
(Letter Reading)
飲酒思源 (千)
少女的祈禱 (千)
(Talking)
楊千嬅 (千)


文: 黑莓
相片來源: my903.com Facebook

相關事件

(檢視全部)

楊千嬅《一千零一個楊千嬅的故事》拉闊音樂會

原來紅館開跨年演唱會之前,仲有場拉闊音樂會!丁太好忙呀!主題係一千零一個故事,唔知...

楊千嬅《一千零一個楊千嬅的故事》拉闊音樂會
音樂 @ 香港會議展覽中心 Hall 5BC
11月7日 (二) 下午8時15分 (2小時30分鐘)

黎小田《小田金曲50年》作品演唱會 2018

今個農曆年,最受電視歌迷關注嘅演唱會「屈臣氏冠軍蟲草 呈獻 小田金曲50 年作品演唱會」...

黎小田《小田金曲50年》作品演唱會 2018
音樂 @ 香港體育館 (紅館)
2018年2月17日-18日

Christopher Owens 香港演唱會2017

Christopher Owens is an American singer/songwriter best-known as the frontman for the now disbanded San-Francisco indie-rock...

Christopher Owens 香港演唱會2017
音樂 @ MOM Livehouse
11月30日 (四) 下午8時 (2小時30分鐘)

申彗星 "SERENITY" Fan Party 香港站2017

睽違四年,韓國最長壽偶像組合神話成員-李玟雨 與 申彗星,即將於2017年12月9日(週六)再...

申彗星 "SERENITY" Fan Party 香港站2017
音樂 @ 亞洲國際博覽館 11號館
12月9日 (六) 下午7時 (2小時)

上一篇網誌

11月7日, Timable
為慶祝12周年,香港迪士尼樂園推出港人優惠抽獎活動,送出5萬張「一日標準門票」。合資格的香港居民只需上網報名,便有機會於201

下一篇網誌

11月9日, Timable
大家仲記得自己畢業時份Honor Project嗎? 小T想當年捱左好多晚夜先砌好份好多數字嘅嘢俾Professor⋯ 而家已經連份Project Title係咩都唔記
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利