芬蘭室內活動樂園SuperPark 12月登陸香港

作者: Timable, 2017年11月13日 (一) 下午6時30分

各位爸媽準備好未?芬蘭著名嘅SuperPark今年12月16日喺香港開幕喇﹗呢個一站式室內活動樂園,提供各式遊樂設施,滿足不同年齡嘅家庭成員,爸媽們唔再係「陪玩專員」喇。


同其他主題樂園唔同,SuperPark以傳統運動、遊戲為主,無高科技嘅機動遊戲,目的係鼓勵大家多啲活動。每個SuperPark都有3個園區,分別係「冒險地帶」、「遊戲競技場」同埋「自由式殿堂」。


「冒險地帶」(Adventure Area)專為幼童與家長而設,場內有幼兒體操區、踏板車賽道、攀石牆、空中滑索、滑梯等等。

兒童歷奇城市,大人細路一齊越過高塔、穿過隧道,配上電子互動設備,刺激思考。

超級車呔滑梯,喜愛刺激的朋友肯定玩上癮。

SuperPark嘅車有型又易操控,一踩一踏,小朋友亦可掌握快慢。


「遊戲競技場」(Game Arena)有各種球類運動,包括棒球練習場、彈珠足球場、超級保齡球、勁力投球王、街頭籃球場、高爾夫球練習場、瘋狂勁舞台等。


彈珠足球場,係一個採用足球、用腳踢的超級彈珠遊戲﹗

「自由式殿堂」(Freestyle Hall)」就啱晒愛刺激嘅後生仔女,場內設有賽道練習花式單車、滑板、踏板車,仲有巨型彈床區、數碼攀石牆同埋粒粒障礙牆,任你Freestyle咁玩到癲。



SuperPark承辦各類大大小小的生日派對、學校活動、運動會、企業團體活動,設有免費儲物櫃、裝備借用、會議室租用服務,玩到肚餓可以去園內餐廳Cali-Mex醫肚再玩過。

價錢方面,平日一日門票 $180,周末、公眾假期及學校假期一日門票 $240。

網址︰https://superpark.com.hk/zh-hk
地址︰九龍海輝道18號一號銀海地下 (鄰近奧海城)
開放時間︰
星期一至五 上午10時至晚上9時
星期六日、公眾及學校假期 上午9時至晚上9時

圖片來源︰SuperPark Hong Kong網站