小T作為新界西居民,一向鍾意落元朗覓食~
前排係美食Group聽到有間冷麵店以爆辣聞名,
唔少嗜辣之人慕名而去,仲會大手預訂
等小T為大家試一試~

店鋪位於又一新城,小本經營,只做外賣,
行過門口已隱約聞到辣椒香~
同細細個成日食嘅撈麵相似,可以揀唔同配料

但特別之處係冷麵醬汁!
店主每日會早起新鮮製作辣醬 (配方保密)


連蒜蓉都係每朝親手打~ 味道聞起黎比一般蒜蓉更香


小T平時食開10小,今次挑戰小辣,
對小T黎講有D太辣,食到標眼淚,但味道又好好,令人唔捨得停LOL
平時食開譚仔5小嘅朋友就表示辣得好過癮~
嗜辣朋友不妨去試下大辣,不過後果自負~~


唔食得辣都唔怕! 呢到仲出名爆多蟹籽冷麵~
D蟹籽多到鋪滿成盒麵,啖啖都有,過足口癮!



價錢只供參考,以店鋪公佈為準。

爆辣冷麵
地址 : 元朗又新街又一新城F66號鋪
營業時間:14:30 - 21:30 ( 以店鋪Facebook專頁公佈為準)
Facebook專頁:http://www.facebook.com/veryspicyshop/

文: VJ