情人佳節,花呢家嘢梗係唔少得!如果你年年都淨係識送玫瑰花,今年想搞啲新意思嘅話,以下落嚟要介紹嘅花束就啱晒你喇!

紙幣小花禮盒

老老實實,有咩禮物實際得過送錢……呢個禮盒就絕對係心思與實際並重喇!包裝夠得體之餘,鮮花嘅配搭亦都好精美,最重要係…有「內涵」嘛!與其買一啲女朋友可能會唔鍾意嘅嘢,送呢份禮物肯定唔會出事呀!



打開禮盒仲有位可以畀你寫心意卡, 鍾意嘅仲可以放多份禮物喺入面添!



牛皮紙袋乾花束

呢款花束比較適合文青女生~一個小小嘅牛皮紙袋裡面裝住滿天星、菊花、玫瑰等乾花,捧喺手上面真係幸福感滿滿!用嚟做屋企擺設亦都好合適㗎~






各位女生睇完不妨tag另一半,提提佢哋要識做呢~

撰文:小文青