銀包又失守!《百變小櫻透明卡篇》最新夢幻周邊登場!

作者: Timable, 1月17日 (三) 下午6時15分

充滿童年回憶嘅《百變小櫻透明卡篇》終於開播喇~目前已經播到第二集,Fans們睇咗未先!


既然有新番,順勢推出埋新周邊,也是常識吧~喺啱啱1月12日,CLAMP就同TakaraTomy合作推出咗新Parfait Mimi系列,睇完樣樣都想買,點算呀……

夢之杖


每個女生細個嗰陣都肯定有幻想過自己揸住支魔法棒儆惡懲奸~雖然呢枝夢之杖完全零魔力,但係靚咪得囉~呢支「夢之杖」係跟住真實尺寸而製造,長度足足有75厘米!細節位亦做得好足,有儲開魔法棒嘅Fans不妨考慮入手!
官網定價:18,000円(不含税)


潤唇膏組合


如果想實用少少,可以考慮下呢set士多啤梨味潤唇膏~有齊晒小櫻擁有過嘅三枝魔杖:「封印之杖」、「星之杖」同最新嘅「夢之杖」,極有紀念價值!
官網定價:4,500円(不含税)


夢之杖化妝鏡


化妝鏡都係一個唔錯嘅選擇~鏡盒上面有超精緻嘅魔法陣浮雕,仲鑲咗一粒藍色嘅小水鑽,設計勁夢幻!
官網定價:3,500円(不含税)


夢之杖鎖匙頸鍊


除咗魔法棒之外,小櫻帶住嘅鎖匙頸鍊相信都係好多女仔想「解除封印」嘅單品!今次新周邊當然都唔少得啦~推出咗夢之杖鎖匙頸鍊,大家可以盡情拎住佢FF喇~~
官網定價:3,500円(不含税)


Parfait Mimi系列而家就做緊官網預購,預計4月就會發售~有興趣嘅朋友不妨mark低喇!

資料來源:http://www.takaratomy.co.jp/products/ccsakura/parfaitmimi/

撰文:小文青

上一篇網誌

1月17日, Timable
女生每次去日本,行程一定會有藥妝店份!冇計啦,日本出品除咗係信心保證之外,退埋稅真係平過香港好多,點忍到手喎!不過都係

下一篇網誌

1月22日, Timable
好快又踏入春天喇!日本氣象株式會社日前公佈咗第一回櫻花開花預測日期~ 地區 預料開花日 預料滿開日 東京 3月18日 3月26日 京都 3
留言

關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利