呢盒藍罐乳霜出咗名性價比高,早排仲受到日本女生大推,話佢嘅功效分分鐘仲勁過啲專櫃牌子添喎~


到底佢係咪真係咁堅呢?其實就好見人見智~之不過原來用完晒啲乳霜之後,呢個小盒子仲有其他妙用㗎!

最近喺日本女生嘅instagram入面就瘋傳緊「#青缶」、「#ニベア青缶」、「#リングケース」等嘅hashtag,意思就將小藍罐重新設計過,好似喺蓋上面畫畫、貼上閃石、甚至係偶像嘅相,成為只係屬於自己,獨一無二嘅單品。





而除咗幫佢裝飾之外,更加有日本女生將佢變成個小小嘅首飾盒!製作方法非常簡單~




只要將海綿切成適當嘅大小,放入盒裡面之後,再去上面切割出放首飾嘅位置就可以喇~雖然盒仔細細,但都可以放到一定數量嘅介指同耳環㗎!拎去旅行轉look用就最方便,唔使驚整唔見啲小飾物啦~~

資料來源:Instagram

撰文:小文青