今日(7月17日)就係世界Emoji日,你問點解係定係今日?
小編唔用文字答你,用圖答你。


World Emoji Day官方今日仲會公佈2018最佳Emoji,想知道嘅朋友就要留意Timable嘅更新同最新消息啦!



為咗慶祝呢個大日子,蘋果亦公佈會推出超過70個新Emoji,並會係年尾正式推出。
新系列嘅Emoji加入咗更多髮色、髮型嘅人像公仔,另外亦有表情更豐富嘅黃面公仔。Emoji多到咁,可能有一日Whatsapp唔再需要打字,只係用Emoji就可以對話。

連月餅都有。

除咗推出新Emoji,蘋果尋日更加將佢地高層嘅頭像,由證件相全部轉哂做自訂嘅Memoji!Memoji算係上次Apple最吸睛嘅新技術之一。用家可以透過自拍創作屬於自己嘅3D頭像,無論髮色或者輪廓都似模似樣。


只係一個簡單嘅動作,相信蘋果又成功借呢個節目,擄獲不少粉絲嘅心啦。

資料來源:Apple Newsroom