藍田居民福音!啟田宵夜新天堂

作者: Timable, 8月22日 (三) 下午6時53分

全新開幕嘅啟田市場以英倫風為設計主題,外圍特設小食街,匯聚環球美食,選擇多多。大部份小食店營業至凌晨2時,各位打工仔、學生哥就算「OT」夜歸,也不怕找不到東西「醫肚」了。除了美食,週五、六晚更有年輕樂隊和歌手助陣,為大家送上街頭音樂表演,週六下午則有魔術表演,食客可以邊食邊欣賞表演,獲得多感官嘅享受﹗


精選推介美食

台灣人
由台灣人專程來港開設,提供口味最地道嘅正宗台灣小食。
推介招牌魯肉飯、麻辣牛肉麵、擔仔新竹米粉、盛合大腸麵線
手工蔥油餅、旗魚黑輪、甜不辣
除常見嘅台式地道小食,更有香港較少機會吃到嘅招牌刈包及刈包加蛋,都係必試嫁!
仲有古早味飲料,如古早味紅茶、古早味檸檬紅茶、冬瓜茶等,解渴一流呀~


豆腐時代
專營特色豆腐製品,如豆漿、豆花、涼粉、豆腐沙冰等
「啜住食」豆腐花系列就最吸引,除了常見嘅原味、紅豆,更有芋圓鮮果、薑汁和紫米露,為大家嘅味蕾帶嚟新享受!
仲有其他推介有琵琶豆腐、一口豆腐、滷水豆腐。
連飯麵湯類都有!麻婆豆腐飯、泡菜豆腐湯、豆腐肉燥飯等。


皇后餃子
新晉餃子店進駐啟田市場,除熱賣嘅七款餡料(如鮮肉香菇芹菜、鮮肉韮菜、鮮肉芝士玉米、鮮肉芫茜等),更推出全新口味翡翠素餃及京蔥牛肉餃,每日新鮮製造,即叫即製,餃子迷絕對不可以錯過!
吃餃子前加上自家製辣菜莆就更惹味﹗
除了即場食,更可以買生餃子回家自己煮,同樣好食呀﹗
吃完餃子,仲可以一試秶飯、炒麵、家鄉狗仔粉、日本讚崎雞絲冷烏冬等,早餐/下午茶又多了一個選擇。


燒賣王子
主打自家手工燒賣及各款港式小食
自家手工燒賣每日新鮮現包,質感超彈牙!
另外仲有碗仔翅、生菜魚肉、酥炸鯪魚球、皇牌煎釀三寶、惡魔炸雞脾、鐵板豉油王炒麵、家鄉炒米粉等,全部都係自家製㗎!


麗港滷鵝
主打潮州滷水小食~有創新嘅咖啡豬手;潮州凍魚、潮州蠔餅、潮州滷水鵝、滷水鴨、鵝片


真味皇
主打港式點心小吃,如潮州粉果、香滑腸粉、秘制滷水小食
推介金牌火鴨絲碗仔翅、金牌火鴨湯底魚肉湯
街外較少見嘅香辣彈彈白魚蛋、炸金蛋、麻辣長洲大魚蛋也是必試﹗
仲有牙籤雞、鐵板炒米粉
足料燉湯:藥燉排骨湯、蟲草花燉竹絲雞湯,冬瓜燉老鴨湯,猴頭菇燉豬𦟌湯, 懷杞螺頭燉雞湯(款式每星期不同)


燒洒一族
特大德式燒豬手:採用德式傳統製法,用啤酒浸過,皮脆肉嫩。
慢煮醬炸豬肋骨、傳統德式香腸
酒醉小食:用十幾種香料烚熟後,再用杞子、花雕酒、鹵糟浸泡而成,非常入味
推介酒醉溏心蛋、雞翼尖、熏蹄,好受街坊歡迎。


時光解饞坊
睇招牌名就知係「為食鬼」不可錯過嘅小食店~
店內有東南亞炸物:金絲薯鳳尾蝦、鮮味蟹蓋、百花蝦脆脆、流心芝麻球等
仲有港式地道小食,包括香滑腸粉(配傳統麻醬/超香炸醬/豉油王辣椒圈)、蝦膠豆卜碗仔翅、足料糯米雞、蜂蜜龜苓膏等


豪大大
台灣雞扒一哥進駐啟田市場,讓大家一嚐台北士林夜市嘅正宗味道。
強推30cm特大炸雞扒,愈食愈邪惡﹗


清玉
台中最具知名度嘅連鎖專業茶飲專賣店,提供多款以首選上等茶葉為主嘅飲料。
翡翠檸檬:以台灣屏東大青檸和翡翠茶調製,茶香和檸檬香兼備,層次分明。
仲有而家好hit嘅鐵觀音珍珠奶茶:茶香餘韻悠長,珍珠煙韌彈牙。


嚟緊仲會有即將開幕嘅鋪頭:

一喜薈麵:特色車仔麵店,材料採用高級和牛、龍蝦等。

COLOR CHA CHA:新派甜品店,提供新式甜品,如雪糕雞蛋仔。

啟田市場地址:九龍觀塘藍田啟田道50號啟田商場地下