臨近聖誕,街裡愛人一對對,有冇單身狗朋友都擔心緊自己要點過?以下有五個活動建議,聖誕都唔洗怕出街俾人閃盲喇!


1. 相約單身朋友
身邊都有單身朋友的話就緊係一齊過啦!搵個朋友屋企搞house party(多人亦都可以揀party room),食下嘢、玩下game、交換禮物,一齊踢走Lonely Christmas!


2. 鋪置家居
冇朋友都唔洗怕,襯放假可以整理下屋企,將一直唔順眼或者唔順手嘅物件轉換下位置,感覺已經好唔同!再順便加上小小嘅聖誕裝飾,例如掛一串小燈泡、掛個聖誕花環喺門口、買棵迷你聖誕樹放係屋企等,環境渙然一新,心情都靚啲。仲可以同屋企人整埋聖誕大餐食!


3. 去旅行
有冇一直想去嘅地方但約唔到人去?鼓起勇氣來一次個人旅行,建議去啲冇咁濃厚節日氣氛嘅地方,可以偏向近郊景點,例如西藏或者東京近郊,成個行程自己話事,可以欣賞沿路美景洗滌心靈、嘆盡當地美食、結識當地人,享受個屬於自己嘅假期!


4. 自我增值
平日返工/返學太忙都冇時間去做嘅事,襯放假搵返自己興趣出嚟!可能係睇書、畫畫、練樂器、攝影等,或者去報讀興趣班/工作坊,重拾返自己興趣。冇特別興趣嘅朋友都可以喺屋企做下運動,可以上網搵健身或做瑜珈嘅教學影片,培養做運動嘅習慣。始終健康好緊要,平日空閒時都可以keep住做㗎!


5. 報佳音
不論有冇宗教信仰,都可以跟身邊有返開教會嘅朋友喺平安夜去唱下歌、報佳音。唔洗怕醜,沿路都會有途人主動一齊合唱,互相送上祝福,過一個特別嘅聖誕節。


祝大家有個開心嘅聖誕節,好好享受埋2018年最後嘅假期,準備迎接新一年嘅來臨啦!

文: vc