聖誕必睇燈飾 2018

作者: Timable, 12月5日 (三) 上午11時16分


又到聖誕~又到聖誕~聖誕節就梗係要睇燈飾啦!想知除咗尖東海傍,仲有邊度有得睇?等小T話你知啦!


咁首先就介紹一下例牌嘅尖東海傍燈飾先。今年麼地道嘅兩條天橋會以禮物花裝飾,而尖沙咀中心同帝國中心有維港上最大的多媒體幕牆,由6萬5千顆變色LED圓點燈組成。另外,麼地里有鋪天燈海,係必到影相位。

外牆設有燈飾的建築物包括:
麼地道天橋
麼地里
九龍香格里拉大酒店
千禧新世界香港酒店
南洋中心
富豪九龍酒店
尖沙咀中心及帝國中心
帝苑酒店
永安廣場
海景嘉凍洲際酒店

呢度有片睇:https://www.facebook.com/timable.hk/videos/511300929372596
詳情:https://timable.com/event/1723751


今年聖誕燈飾另一個重頭戲一定係利東街嘅"The Spirit of Christmas"!
"The Spirit of Christmas"係英國購物大道攝政街(Regent Street)著名嘅華麗聖誕燈飾企劃,由1954年開始已經有。而今年係呢個聖誕燈飾企劃首次走出英國,同利東街合作,將五個具代表性嘅燈飾搬到香港。雖然唔夠英國原裝嘅華麗,但利東街嘅"The Spirit of Christmas"仲有飄雪效果,可以扮去咗外國呀~

呢度有片睇:https://www.facebook.com/timable.hk/videos/489738618181536
詳情:https://timable.com/event/1716965


而同樣係港島區嘅利園燈飾都好值得去喎!因為有大家最鍾意嘅星光迴廊,而且色彩燦爛嘅燈泡佈滿恩平道上空,成條街組成嘅,唔使咁迫呀,個個位都打到卡。另外,利園一期仲會喺夜晚開始,每半個鐘上演6分鐘「幻彩瑰麗燈光表演」,大家留意番啦!

詳情:https://timable.com/event/1734857
同場加映米創作20週年原畫展:https://timable.com/event/1728500


返番嚟九龍區,必去嘅一定係海港城嘅室外燈飾!今年海港城以"Christmas Treasures"做主題,喺露天廣場築起超過40米長嘅聖誕大橋同60呎高嘅巨型聖誕樹。而啲聖誕樹唔係淨係聖誕樹咁簡單,因為聖誕大橋上面嘅聖誕樹係掛滿燈飾,夜晚6點至10期間,每逢搭正同搭半就會有聖誕音樂燈光匯演睇。另外,同場仲有全球最大嘅三角鏡影像萬花筒,影相真係一流!

呢度有亮燈片睇:https://www.facebook.com/timable.hk/posts/2149898471707069
呢度就有三角鏡影像萬花筒片睇:https://www.facebook.com/timable.hk/posts/2149843878379195
詳情:https://timable.com/event/1727715


同樣係九龍區,旺角MOKO以聖誕樹吊飾為靈感,特設一個巨型聖誕球同粉紅聖誕樹。同平時嘅燈飾唔同,大家可以過一個bling bling又特別嘅聖誕啦!

詳情:https://timable.com/event/1735031

新都會廣場嘅燈飾就啱晒情侶啦,露天廣場搖身一變成為玫瑰花之園,入面有水晶玫瑰聖誕樹、星光隧道同霓虹玫瑰牆等,十分啱情侶影相呀!

詳情:https://timable.com/event/1721052

呢個聖誕除咗睇燈飾,仲有好多商場裝飾都好靚㗎,大家唔好錯過啦!
各大卡通X商場裝飾傳送門:https://timable.com/blog/1725716
聖誕市集傳送門:https://timable.com/blog/1732378
更多聖誕活動傳送門:https://bit.ly/2RrOpJb

文:NC