要數當今香港有名的DJ,商台毋庸置疑是個大搖籃。由90年代的軟硬天師到之後的森美小儀,還有艾粒和阮兆祥,不但主持電台節目深入民心,甚至歌影視幾棲,個個入屋,無人不曉。商台今年56週年台慶,以上各大單位將會來個大會串,位位都是表演能手,Crossover相比過往的「單拖Show」將會更有睇頭!

其實《騎騎騎 大會串》是《騎騎騎》系列之重頭壓軸終結篇。剛剛過去的五月《騎騎騎 一蚊gag》收集大眾笑料普天同笑,笑話播得一次得一蚊!緊接著六月的《騎騎騎 微笑話》,全間商台的笑匠都以獨門功架笑盡政經時局、娛樂八卦、社會潮流,務求一笑中的!到八月,台慶重頭壓軸鉅獻《麥當勞®騎騎騎 大會串》將會盛大舉行,由商台台柱級人馬包括林海峰、葛民輝、阮兆祥、少爺占、當奴、阮小儀、森美傾巢而出來一個大匯演。


今年商業電台56週年台慶,商業電台總動員以「笑」為主題,皆因近年香港風雨飄搖、一地荒唐,社會上充斥負能量;唯有笑聲,才能夠帶香港人暫時走出陰霾。因此一眾DJ將使盡渾身解數,炮製《騎騎騎》三大特備環節,務求一炮三響以笑聲脫苦海!

面對幾個可能係香港講嘢最叻、轉數最快、搞Gag最勁的人,訪問還是請他們回答同一堆問題好了,否則小編會疑似患上「中東呼吸中級綜合呼吸中東 呼 中吸呼吸中東呼吸綜合症」般出現急性語言障礙。

祥: 阮兆祥 | 占: 少爺占 | 奴: 當奴 | 小: 阮小儀 | 森: 森美


01/ 會是相熟的組合演出還是有Crossover大兜亂?
占: 未知,嗰晚答你吖。
奴: 未知,未度。不過大亂鬥都經已好好玩。
祥: 相熟的組合演出。

02/ 度橋大會最多點子的是誰?
祥: 各自開會度橋,慎防好橋外洩!
占: 應該係商台製作部的同事。
奴: 最大點子係提出叫大家一齊玩一齊做騷的老闆,無佢都無呢個騷。
森: 森美
小: 森美

03/ 如果要在另外6位中選一位在台上單挑,會選誰?
奴: 單挑阿葛,因為我發現葛爺一開咗個頭,就可以策騎到尾。
森: 林海峰
小: 阿葛,因為太鍾意阿Jan。
占: 阮兆祥,因為我會自己投降,我會敗給佢的食字。
祥: 一定揾小儀單挑,黎個雙丸(阮)會面!好想睇佢講唔赢我個樣!

04/ 6位中那個做對手會是最麻煩?
森: 小儀
小: 森美
祥: 最難對付的應該係小儀,因為好佬怕爛佬,爛佬怕潑婦。
占: 當奴,因為成日要幫佢搵返對自信踭,很麻煩!

05/ 只得一場,會否唔夠喉?
森: 嫌多
小: 唔多,因為就真係只得一場。
祥: 我已經係飛債纏身,一場點夠。
奴: 一場夠啦 !七個人一年得一個期得閒咋。
占: 夠晒了,好飽了。

06/ 如果商台是一個森林,你會是當中的甚麼?
祥: 我會係……原野 ♫在森林和原野是多麼的消遙♫
奴: 假如商台係森林,我係馬騮。
森: 大地
小: 跌落嚟嘅小松果
占: 我會是中間一個黑色的三角形地帶。