安樂窩智能化.盡情享受現代優質生活

作者: Timable, 2015年9月14日 (一) 下午11時06分


而家市面上已經推出咗好多嶄新嘅智能家居設備, 等大家嘅安樂窩智能化! 唔信? 嚟! 小編帶你去HKT Smart Living “Tomorrow's lifestyle today" 智能家居科技展覽睇下啦!

作為一個智能家居, 首先, 你要有個... 能夠全面控制已連接並兼容家居裝備如燈光、冷氣、電動窗簾、視聽組合、IP Cam嘅一站式介面。你試想像一下,喺智能手機或平板電腦嘅一個App介面上, 只需要Click一Click,就可以將全屋變成「大班朋友睇波Mode」、「情侶浪漫煲劇Mode」同埋「屋企人大合唱Mode」等等, 係咪既實用又夠型格先?

機不離手嘅香港人, 喺屋企經常有收唔到Wi-Fi嘅盲點, 用3G上網唔夠快之餘又嘥數據, 仲分分鐘會「爆Plan」。Laptop用Lan線上網? 條Lan線好長, 又駁喺好遠嘅插頭, 好唔方便! 透過Smart Living嘅家居網絡設計, 將屋企多個角落都保持Online狀態, 上網/Whatsapp/打機都可以無間斷!


屋企除咗要Smart, 安全都係好重要架。有咗穩定嘅網絡, 就可以將家居保安全面提升! 除左係適當嘅地方安裝閉露電視監察同録影室内外環境外, 仲可以安裝玻璃破碎感應器、煙霧探測器、無線門磁和警報器等等, 再喺系統控制面板設定安防程序就可全方位咁保障家居、財產同埋屋企人嘅安全!


然後係家居監察, 日出工作, 又或者去旅行, 都會想了解屋企小孩、工人姐姐或者寵物嘅情況。有咗智能家居雲端監察系統, 一機在手無論身處邊度都可以即刻睇到屋企嘅狀況! 甚至,就算屋企只係剩返喵星人或汪星人, 都可以透過PetCube同佢地溝通互動, 就唔怕去幾日旅行之後寵物變咗隻嬲嬲豬啦!


屋企Smart起來了, 仲好似爭咗啲咩野咁嘅? 係喇! 仲爭左一啲最新嘅Gadgets, 先算係最型格嘅家居! 有冇好介紹? 當然有啦!

先嚟一個抹窗機械人, 自動喺窗嘅玻璃表面爬來爬去,將窗戶抹得一乾二淨, 免卻伸手到窗外抹窗之苦, 而且十分安全, 就算斷電都有後備電源,絕對好用! 以後做少一樣家務, 多啲時間享受在家千日好。抹窗以外, 抹地好多時都係一樣好煩人嘅事,有咗抹地機械人, 當你唔喺屋企嗰時, 佢已經幫你將屋企嘅地面掃得乾乾淨淨, 實在係太方便喇!


手機成日放喺屋企角落頭叉電, 為咗唔騷擾屋企人, 成日都會調校至靜音模式, 但就成日因為咁而miss call! Miss老闆call事少, Miss男/女神call事大嘛! 所以呢兩件Witti嘅Gadget就無敵喇! 只要Connect咗手機, 有來電/訊息嚟時, 就會用唔同嘅顏色同埋圖案顯示, 離遠都可以見到, 唔駛飛撲過去接。老闆打嚟? 唔接啦! 放咗工! 女神whatspp? 有任務! 要出動啦!


3D 打印聽得多, 3D繪畫有冇聽過先? 細個時畫畫總係畫喺張畫紙上面, 而家科技發達, 繪畫已經可以畫喺半空中, 畫出一隻隻立體嘅公仔或者其他形狀,所需要器材好簡單, 只要一支3D畫筆同顏色膠條就得, 當然最重要仲有你既創意啦! 而場內仲可以影返張3D立體相添!


HKT Smart Living “Tomorrow's lifestyle today" 展覽又點止咁少新Gadgets呢! 仲有好多新嘢等你發掘, 例如專吸塵蟎的吸塵機、一系列嘅智能手表、3D打印同3D繪畫裝備等等! 展覽期間更有3D立體繪畫工作坊, 記得帶埋你小朋友嚟參加喇!



=====================================

HKT Smart Living "Tomorrow's lifestyle today" 展覽
日期:2015年9月10日 ‑ 10月4日
時間:中午12時 ‑ 下午8時
地點:沙田HomeSquare 地下大堂
詳情:http://smartliving.hkt.com/chi/exhibition.html
https://timable.com/event/957454