嚟緊4月會有復活節假,如果唔想係屋企頹過,又行厭大商場嘅一於去報名參加工作坊。不論係同朋友、情人、細路定自己一個都一定揀得啱,有得學有得玩又有收穫,充實咁過呢個假期!

朋友好節目

手捏陶藝工作坊
唔係好多地方有搞陶藝工作坊,依家就有一個手捏陶藝工作坊,裝飾上色都係自己加,可以整自己鐘意嘅款式。重點係初學者都OK,唔洗驚好難,同朋友邊傾邊整開心過。呢款作品完成後仲可以放植物或飾物,又靚又實用。
傳送門→https://timable.com/event/1783954

季節和菓子工作坊
和菓子被叫做「日本飲食文化中嘅花」,配合季節作出相對應的氛圍,係食得落肚嘅藝術品。春天就到,呢個和菓子工作坊就係以櫻花為主題整和菓子,二人同行仲有優惠添。
傳送門→https://timable.com/event/1777558

情人好節目

手工銅製手鐲工作坊
好多情侶都有對款飾物,有冇諗過自己都可以親手打造!靚就唔洗講,更重要嘅係你親手整,而另一半又可以日日戴住佢出街,實甜到入心啦!自己去整比驚喜另一半又得,約埋一齊整都得。
傳送門→https://timable.com/event/1785757

咖啡拉花工作坊
相信唔少人都中咗咖啡毒,一日一杯唔少得,一於係復活節假期同另一半去咖啡工作坊,沖咖啡之餘,又可以學下拉花。完咗工作坊可以去埋炮台山嘅油街參觀,咁就同情人過咗甜蜜嘅一日。
傳送門→https://timable.com/event/1779207

親子好節目

鉤織獨角獸版母女袋工作坊
一共三堂,教你用鉤織整兩個袋,一大一細母女袋,一齊出街又襯又靚,而且仲獨一無二添。唔好以為好難啊,就算係初學者都無問題。
傳送門→https://timable.com/event/1782762

復活節玻璃曲奇工作坊
曲奇一定見過,但「玻璃曲奇」又有冇試過呢?「玻璃曲奇」中間位置呈透明,可以加入糖粒,又靚又好食;而且包埋材料,又有地方,唔洗自己搞一大餐,可以盡情享受同小朋友制作嘅親子時間。
傳送門→https://timable.com/event/1779635


一個人好節目

捕夢網 x Macrame 飾物工作坊
捕夢網就見得多,但呢個捕夢網工作坊係配合特別嘅繩結Macrame去制作,慢慢織夠三個鐘,整完掛係床頭,幫你捉住好夢,帶嚟好運。
傳送門→https://timable.com/event/1779877

自助手繪畫室工作坊
想發揮無限創意嘅一於揀個畫畫工作坊,自己坐低靜靜地慢慢畫,畫布畫筆顏色等架生工作坊準備好曬,唔洗怕麻煩。
傳送門→https://timable.com/event/1719797

十五十六揀唔定?一於㩒入去睇更多,實有一款令你心動繼而行動!
http://bit.ly/2E1EGpB

撰文:SN
圖片來源:網絡