7月嚟到,夏日炎炎做乜好?想活動但又怕戶外太曬太熱嘅,一於約埋朋友仔參加手工藝工作坊,有唔同種類及價位滿足大家需要。小T就為大家精選九個工作坊介紹,心動就行動啦!


Pepe the frog x 名畫塑膠彩工作坊
有冇人同樣覺得Pepe the frog 核突得嚟好得意?好矛盾但又無衝突⋯⋯Pepe the frog嘅表情圖用就用得多,一於試下親手畫一隻屬於你嘅Pe pe啦!唔單止將Pepe改上名畫,只要你諗到就可以試下畫,鍾意Pepe the frog嘅粉絲咪錯過啦!

報名傳送門→ https://timable.com/event/1822250





燈工玻璃小瓶吹製入門工作坊
香港燒玻璃嘅工作坊唔常見,而呢個工作坊係入門班,啱哂新手試學試玩無負擔。運用吹製技巧整玻璃小瓶嘅中空造型,學員可以學到基礎嘅玻璃小瓶成型及加色技巧。自由選擇喜愛嘅顏色,親手燒製獨一無二嘅玻璃小瓶!

報名傳送門→ https://timable.com/event/1815723





2小時皮革製作工作坊
整皮嘅工作坊好常見,但呢個工作坊特別在有14款任你揀,選擇多之餘,可以同朋友一齊上堂又各整唔同款嘅,而且價錢非常吸引,只係$198,學生都可以負擔到!想再獨一無二啲嘅可以課金$20,加埋台灣正階壓字刻名。

報名傳送門→ https://timable.com/event/1816987





創意金工匠體驗工作坊 - 手環或戒指
相信唔少人都鍾意戴飾物係身,有冇諗過自己飾物自己整呢?親手打造手環或戒指,而且創意零規限,可以刻上別具意思嘅內容同花紋,啱哂同另一半或朋友仔一齊去學,二人同行有優惠添!
*佢地可以自由約時間,等你揀個最方便嘅時間上去整

報名傳送門→ https://timable.com/event/1819852
純銀傳送門→ https://timable.com/event/1819862





手捏陶藝工作坊
陶藝工作坊係香港少之又少,而呢個工作坊除咗係手捏陶藝外,特別在創作治癒嘅人形器皿,每個人形器皿都有唔同形態質感表情,上色後經1200度高溫燒製,既安全又堅固耐用。成品可以用嚟裝植物或雜物等,實用又可愛。

報名傳送門→ https://timable.com/event/1783954





製作木杯工作坊
木頭杯子的芬蘭文是「Kuksa」,據說傳統 Kuksa 只送給重要的人或者心愛的人,因為每一個都是獨一無二的,樹木的紋路與色澤都不盡相同,而且有防止厄運的作用。就算木頭咁堅硬,都可以打造出唔同嘅樣式!加上木造嘅杯既特別又耐用,搵埋同伴學仲平啲添!

報名傳送門→ https://timable.com/event/1820350





天氣預報瓶工作坊
唔好睇少呢啲玻璃瓶,事實上佢地可以預測天氣!天氣預報瓶係17世紀歐洲一種天文工具,隨著氣溫和濕度嘅相差而形成唔同型態結晶,繼而透過結晶了解天氣嘅變化。有趣得嚟結晶嘅形態優美,做擺設都無問題!有幾款器皿選擇,可以揀啱size整。

報名傳送門→
https://timable.com/event/1816984





扭扭扭迷你「霓虹燈」工作坊-單色輕便款
想令室內空間更有氣氛?唔一定要搞一大餐,一盞燈已經可以!佢地提供黃、粉紅、紫 、冰藍、綠嘅燈線,任你創意扭出鍾意嘅圖案,迷你「霓虹燈」配兩粒2a電芯,隨時隨地都可以發光發亮,出街大時大節拎埋去影相都超方便,配電池更換就OK!

報名傳送門→ https://timable.com/event/1821830





季節限定和菓子工作坊
和菓子被叫做「日本飲食文化中嘅花」,係食得落肚嘅藝術品。日式和菓子嘅工作坊係香港比較少見,而呢個工作坊就係整應季嘅和菓子,有春末初夏同櫻花款選擇。夏天又熱又經常落雨,約埋朋友去整就啱哂,有得玩有得食有得影,二人同行仲平啲添!

報名傳送門→
櫻花和菓子 https://timable.com/event/1777558
春末初夏 https://timable.com/event/1807270




點止咁少!
撳入去再睇多啲→http://bit.ly/2E1EGpB

撰文:SN
圖片來源:網絡