中秋好節目!應節工作坊

author: Timable, 8 Aug (Thu) 5:48pm


臨近中秋除咗喪食月餅之外,仲可以整下啲應節手作。除咗自用外,借中秋人月兩團圓之時,送比重要嘅人,都係一個好時候,一於今年過返個特別難忘嘅中秋啦!


台式月餅 手工蛋黃酥製作工作坊

奶黃、冰皮月餅整到悶,可以試下台式月餅,「蛋黃酥」係台灣傳統糕餅,都係一般大眾所認定傳統月餅嘅油皮月餅之一,蛋黃酥內餡有飽滿鹹蛋黃,搭配綿密豆沙餡,外層係千層酥皮,烘烤後層次分明、口感酥鬆,完成後可以帶走八個完成品,同屋企人一齊食。

報名及詳情→ https://timable.com/event/1833158




中秋可愛糖霜曲奇工作坊

唔止整月餅,今個中秋可以試下整中秋主題嘅曲奇‌!曲奇預先焗好,再用軟性和硬性糖霜繪畫。另外,呢個工作坊歡迎親子參加,設有親子價,可以帶埋小朋友一齊玩!

報名及詳情→ https://timable.com/event/1838317




月夜星願燈工作坊

中秋點少得主角——月亮,雖然月圓唔係日日有,但依家都可以整返個私家月亮,擺係屋企日望夜望,呢個工作坊嘅月球燈唔係一般倒模製作,而係用唔同材料手捏出各種色澤紋理,完完全全獨一無二嘅月球!有唔同大細選擇,可以揀啱自己需要嘅整,送禮都一流嫁~

報名及詳情→ https://timable.com/event/1829965




月球塑膠彩工作坊

除咗手捏立體月亮外,仲可以手畫平面月亮。用圓形嘅畫布框,配合塑膠彩描繪出月球紋理,不論係月兔定小王子任你發揮創意繪畫。

報名及詳情→ https://timable.com/event/1833750




3D立體繪圖筆迷你燈籠工作坊

年年中秋都玩燈籠,有冇考慮自己整返個呢?3D立體繪圖筆毋須任何電腦及繪畫經驗,都可以輕易製作3D作品,一於發揮創意整個獨一無二嘅燈籠,中秋節過咗又可以放出嚟做擺設,唔怕唔環保啦!

報名及詳情→ https://timable.com/event/1838012




創意金工匠體驗工作坊 - 銅製手環或戒指

中秋節寄意「人月兩團圓」,咁好嘅佳節當然約埋幾個朋友仔或情人一齊玩,除咗賞月食大餐外,仲可以考慮下一齊打金整飾物,親手係飾物刻上日期或字句等作為紀念。學習傳統打金過程好玩之餘,仲有靚靚完成品,一「金」二鳥~

報名及詳情→ https://timable.com/event/1830474




PePe 主題迷你霓虹燈工作坊

中秋節當然會乘機同朋友瘋狂影相,唔少得有燈籠之類嘅道具吸睛呢!不過傳統燈籠未必啱心水,又怕影完無用浪費嘅一於同去扭整迷你霓虹燈。自己DIY圖案同揀顏色,用電池供電超方便,大時大節影相啱哂!

報名及詳情→ https://timable.com/event/1830142




光影盒工作坊

重要嘅時刻當然想有嘢可以紀念下,除咗整飾物紀念外,光影盒就可以用場景紀念同刻畫呢啲時刻。光影盒透過多層不同場景嘅圖層拼疊而成, 亮燈前係一幅精緻嘅紙雕畫擺設;亮燈後,就會變成充滿立體感嘅場景,用嚟做禮物就夠哂心意啦~

報名及詳情→ https://timable.com/event/1829950

除咗中秋幾時都要有好節目!
㩒入去再睇多啲→http://bit.ly/2E1EGpB



文:SN
圖片來源:網絡