西九文化區藝術公園現已開放!最大嘅賣點係面向無敵大海景,仲有大片草原,最啱假日野餐同帶狗狗過嚟一齊散步!


園區內仲有輕食店同咖啡店,一邊欣賞美景、一邊品嚐美食,真係好寫意呀!另外有寵物友善餐廳,提供狗狗專屬食物,主人同寵物都可以一齊嘆。


藝術公園仲有兩個藝術文化場地,自由空間呈獻多元化演出,嚟緊11月9日至10日,仲會舉辦自由爵士音樂節,有室內戶外音樂演出、親子活動、手作市集等節目,演出陣容更包括三屆格林美獎得主等,各位爵士愛好者千祈唔好錯過!

自由爵士音樂節詳情:http://bit.ly/2NokeST


M+展亭會定期舉行藝術展覽;草地上就會有戶外活動同音樂節目上演。


周末仲未諗到去邊?不如約埋家人/朋友去西九文化區放鬆Chill一日啦!


西九文化區藝術公園
交通:
港鐵九龍站乘坐26/74小巴直達/九龍站E4出口步行8分鐘
另外有時租停車場方便駕駛人士

*近圓方,唔好去錯戲曲中心!

更多詳情請上西九文化區網頁瀏覽:http://bit.ly/2MUVMJJ