香港其實都有好多值得好去的地方和活動,就等小編由今個星期五開始,帶大家捐窿捐罅,計劃下放假本地遊啦!中環除咗係香港最繁忙嘅上班地方外,喺半山區其實有好多具有特色嘅藝術店、畫廊、小食店等等,仲有好多值得打卡嘅壁畫𠻹,今次小編仲幫大家計劃咗個打卡路線圖,即刻一齊去漫遊中環啦!

第一站:中環人氣茶記滑蛋

唔好以為呢間茶記望落去個樣普普通通,菜式又好似無乜特別;其實呢到嘅老闆大有來頭!老闆為咗追隨廚師夢,特地飛到英國修讀藍帶課程鑽研廚藝,之後更回流香港做港人最熟悉嘅味道同菜式,開設茶記,由鑽研菜式配搭到店舖內的運作都一手包辦。

店內最出名嘅其中一道菜式莫過於炒滑蛋,蛋漿以美國蛋、日本蛋及湖北蛋混合而成,食落順滑之餘更有淡淡蛋香味;常餐配合忌廉雞湯火腿通粉,湯底濃郁,而通粉口感富彈性,湯底滲透於通粉之中,每一啖都能嚐到湯底的鮮甜味。

另一個午餐皇牌— 叉燒炒蛋飯除咗貫徹始終的滑蛋外,配以半肥瘦叉燒及秘製甜豉油,無論男女都會受不住它的引誘!


雞湯火腿通粉配炒蛋多士 $48
叉燒炒蛋飯 $57

第二站:打卡壁畫

食飽叉滿電向打卡路線出發!今次小編就搵咗5個喺附近必去嘅打卡壁畫牆,跟住我瘋狂影相啦!

呢個地圖顯示哂今次嘅打卡點,跟住佢行就唔洗周圍搵啦!



七彩懷舊唐樓群
地址:香港中環荷李活道44號

香取慎吾壁畫 大口龍仔
地址:香港中環中環荷李活道32號

卑利街粉紅色牆
地址:香港中環卑利街38號

Brooklyn酒吧外牆壁畫
地址:香港中環嘉咸街51號

反重力灰色大廈
地址:香港中環鴨巴甸街37號

第三站:公利真料竹蔗水
行到攰緊係要飲杯消暑解喝嘅飲品,呢間屹立咗喺中環71年嘅經典涼茶舖最出名嘅係竹蔗水,每一杯都係用新鮮竹蔗制作而成,最近仲有得賣本地啤酒品牌推出竹蔗啤酒𠻹!


第四站:PMQ元創方互動展覽

PMQ聽就聽得多,但其實好多朋友都未黎過,呢到除咗有香港好出色嘅各類型藝術家開設嘅工作室外,仲會不定期舉辦活動同展覽。今日小編帶大家黎睇呢個由兩位九十後跨媒體女藝術家以木雕及水墨探討人與社會的病態關係的作品。



每幅作品下都有個QR Code, 只要掃描一下畫作就會在電話出現相關效果!

第五站:蟹黃油拌面+伯爵戚風蛋糕配黑糖珍珠+紫薯特飲


最後一站緊係要食啲嘢作為旅程嘅終結,呢間由台灣開過嚟嘅拌麵店最近推出咗秋冬季嘅新菜式。

秋冬絕對係吃蟹嘅季節,呢個蟹黃油拌面($138)絕對能滿足你嘅慾望,香滑嘅蟹膏係口腔內充滿衝擊,配合煙韌嘅拌麵,口感一流!

伯爵戚風蛋糕配黑糖珍珠($68) 鬆軟嘅戚風蛋糕上有一層濃郁伯爵茶醬,再加上珍珠,無得輸!

紫薯雪絨黑糖薑母鮮奶($38) 小編原本見到薑母這兩個字有點擔心,害怕整被被薑的辣味搶走;可是,出乎意料地,喝下去充滿「家的味道」。溫暖又濃郁的鮮奶與薑的味道配合得剛好,而且紫薯的甜味和綿密的口感更讓層次昇華,該小編想起嫲嫲煮的蕃薯糖水。

紫薯雪絨迷你芋圓白桃烏龍($38) 喜歡手搖茶飲的朋友一定會喜愛這杯飲品,除了手搖必備的濃茶外,還有紫薯奶蓋,而珍珠則變了迷你芋圓,更能配合紫薯主題。