鯉魚門 海鮮街
想食新鮮嘅海鮮,鯉魚門大街絕對夠多選擇!由油塘地鐵站步行15-20分鐘就到!沿住海濱路一直行,有唔同嘅海鮮餐廳同多年歷史嘅小店,加上有獨特嘅村落氛圍,好有懷舊特式。


鯉魚門燈塔

穿過海鮮街,向前走就會去到石灘,就會見到出名嘅鯉魚門燈塔。同對岸港島嘅鯉魚門紅色燈塔相映成趣!呢個燈塔影到嘅日落絕對值得打卡!


鯉魚門石礦場

除咗有燈塔美景,仲有荒廢石礦場可以打卡!撞正秋冬時節,仲會影到芒草!唔好睇鯉魚門似乎只係一個小漁村,其實以往都係靠挖礦為生,到60年代先停用,加上芒草,令石礦場更有一種原始自然嘅氣色!

覺得只玩半日唔夠?仲可以夾啱時間於三家村碼頭乘坐渡輪前往東龍島!不過小T建議將早上行程安排去東龍島,再於日落時分返鯉魚門燈塔影日落!


東龍島 海天一色絕美景色

留意三家村碼頭渡輪服務只會於星期六、日及公眾假期行駛!而且尾班船於5:00返岸!東龍島除咗四面環海,可以影到水天一色嘅獨特景色之外,仲係行山同露營嘅好地方!


白色燈塔 懸崖峭壁

穿過露營區及炮台就會見到一座白色燈塔,不過步行前程燈塔的路十分崎嶇,面且走到燈塔附近也要小心出湧的大浪!但絕對係一大美景打卡位,不過細膽朋友就唔好試喇,而且真係要小心安全呀!


假日士多 美味冬菇餃

島上只有一兩間士多可以為遊人提供簡單食物,好似餐蛋麵、水餃等等!小T極度推薦假日士多嘅冬菇餃!粒粒冬菇較晒香,而且脹卜卜,味道十分唔錯!

撰文:Chuckle
圖片來源:網絡