臨近鼠年,大家都想來年順風順水,無論係老闆定係打工仔,都想財源廣望、人緣暢旺。而辦公室係工作搵錢嘅地方,擺得啱分分鐘做嘢事半功倍,即睇鼠年辦公室方位催旺法!

背有靠山
打工仔最希望份工有貴人扶持,順風順水!如果你座位背後係人來人往嘅通道或者唔係牆身嘅話,可以將辦公枱座位墊高,用大褸或咕𠱸等物品,形成靠山。對工作運勢會較好。

升職加人工
想升職加人工,加強事業發展?今年嘅文昌星係西南方,可以於office西南方位置放置綠色植物,或四支富貴竹。想催旺財運,則可於西北位置放水種植物,八粒啡色或黃色石頭在一杯水內,或一枝白水晶柱,催旺財運。打工仔不能隨意移動座位位置,可以以辦公桌作中心。

催旺公司生意
做老闆嘅,想流年生意更好,可於財星位置加以催旺。今年財星位置在西北,亦即八白財星,可在公司的西北方位擺放水種植物。亦可在商舖或辦公室門口,向外擺放貔貅招財。

催旺人緣 避開是非
所謂人緣好做事自然更流暢!可以於東北方桃花位放置顏色鮮艷物品或是水種植物,都可以加強人際關係。同時,要留意今年正北方係是非位置,若於此處放置流動性強的物品,如貨物,有機會加強衝突。化解方法是於正北位置放置紅色或粉紅色物品及黑曜石,減弱是非星力量。

撰文:shiori
圖片來源:網絡