又到農曆新年,除咗𢭃利是之外,當然要去祈福許願,保佑新一年順風順水喇!而對單身人士嚟講,當然希望旺人緣、姻緣同桃花喇!小T特別收集求姻緣嘅地點,祝你鼠年有好桃花,姻緣旺盛!

黃大仙祠拜月老
黃大仙祠中有月老的及佳偶天成神像,月老係守護姻緣嘅神,相傳有本姻緣冊,紀錄人間姻緣,仲會用一條條紅線將男男女女連埋一齊!即使唔係單身都可以祈求姻緣長久美滿!

拜月老方法:
1. 跟參拜圖片做好手掐手印嘅動作
2.攞住紅線,行到月老面前心裡默念自己個名、籍貫、地址同所求嘅事。
3.如果想求男性伴倍,走向「金童」方向,如果想求女伴,則走向「玉女」方向。
4.行到所求嘅金童、玉女像前,再講出個名、籍貫和居住地,並祈求得到如意伴侶。參拜時,可以摸摸「金童」或「玉女」隻腳,祈求月老牽良緣。最後於「金童」或「玉女」所拉著嘅線上駁上紅線後,就參拜完成!

參拜日子:拜月老其實沒有限特定日子,但元宵節、七夕節和八月十五日月老誕等特別日子會較多人參拜。

月老像
地址:黃大仙祠

灣仔寶雲道姻緣石
位於寶雲道嘅姻緣石,一直都有唔少單身男女參拜,甚至傳聞千億新抱徐子淇,都拜過姻緣石,然後成功嫁入豪門。姻緣石相傳係二戰時期,一個日本兵同中國女子相愛而受到家人反對,最後上山私奔,最後於山林間化為石頭。其後慢慢演化成保佑姻緣嘅奇石。

1. 向廟祝買好香燭後,誠心上香於廟中報上姓名、出生日期,以及理想對象嘅條件;已有心儀對象的,請報上他的名字,然後焚寶燭。再將喜糖及姻緣符收好。
2. 沿石級上就是姻緣石所在地,誠心上香,許願。完成上述步驟,再轉轉風車,參拜程序就大功告成。
參拜日子:每逢農曆初六、十六及二十六來參拜,是參拜吉日。

姻緣石
地址:灣仔寶雲道

 坪洲金花廟 夫妻和合求姻緣
位於坪洲嘅金花廟,金花娘娘係負責姻緣,求子,夫妻和合嘅神明。相傳金花娘娘係一位廣東的巫女,因受人鄙視而投湖自盡,自此被認定為水仙。

坪洲金花廟
地址:坪洲永安街


上環濟公廟 拜和合二仙
上環「濟公廟」一向有好多明星參拜,而除咗拜濟公外,亦有和合二仙、地藏菩薩等神祇。想拜姻緣,可以拜和合二仙。和合二仙本身係一對兄弟,分別叫寒山和拾得,兩人同時愛上一個姑娘,但當寒山和拾得知道後,二人都選擇出家為僧。其後演化成祈求姻緣和合及兄弟友好嘅神明。

上環濟公廟
地址:上環太平山街 40 號濟公廟