RingFit Adventure 健身環大冒險同口罩一樣,一盒難求,又唔想硬食炒價玩。其實Switch仲有其他運動game,一樣可以玩到出哂汗,而且容易買到,依家成日都要留喺屋企抗疫,不如買返套game同屋企人一齊玩啦!

Just Dance 2020


有玩過Just Dance嘅人都知,只係跳幾分鐘都會爆哂汗。而「Just Dance 舞力全開 2020」就帶嚟 40 首新歌,由排行榜金曲、到不同嘅洗腦神曲,什至新秀藝人嘅最新作品都有。2020版本仲有合作模式選擇,玩家可以選擇合作模式中同好朋友組隊,一齊拎高分,稱霸舞池。而經典嘅「揮汗模式」都依舊保留,玩家可以監察住燃燒咗幾多卡路里同跳舞時間,如果持續玩一個月再配合埋飲食,相信身型上應該會有改善!

屋企有小朋友就更啱玩呢款遊戲,因為佢有「兒童模式」選擇,當中有 8 首專為小朋友而新加的歌曲,為年紀小的玩家帶嚟有趣好玩嘅舞蹈體驗。


Just Dance 舞力全開跳舞體感手環配件


遊戲類型:音樂、運動
遊戲介面:中/英文
遊戲模式:最多6人
遊戲價格:約$368

Fitness Boxing


同Just Dance一樣都係跟音樂做運動,呢隻game有Lady Gaga、Pitbull和Kesha等知名歌手歌曲,聽住音樂做出拳擊運動動作。玩家可以選擇唔同嘅健身目標,按住自己步伐鍛鍊出健康體態。其實佢同Ringfit一樣會要求玩家做出揮拳、深蹲等動作,而且係一組組咁做,只要握好Joy-Con,就能燃燒脂肪。

官方建議每日鍛鍊時間由10分鐘到40分鐘不等,按照個人體能逐漸加長時間。遊戲軟體更會估算玩家嘅BMI同每日燃燒咗幾多卡路里,記錄住自己進度。小編認為,呢個遊戲比Ringfit更適合一家人玩,因為玩家可以用兩組Joy-Con、或者兩人共用一組,同家人朋友一齊做運動。而Ringfit則是一個遊戲,不能同時間一齊玩。


遊戲類型:學習
遊戲介面:日文/英文/法文/義大利文/德文/西班牙文/韓文/簡體中文/繁體中文
遊戲模式:1-2人
遊戲價格:約$250-$392


Mario Tennis Ace


呢款Game可能無上面兩款咁爆汗,不過跟住玩都叫做有郁吓啦,總好過坐係度!揮動Joy-Con瞄準目標打出各式各樣撃球,可以「狙擊」、瞄準遠處的球的「加速」、終極一撃的「特別撃球」等各種元素。

另外仲可以選擇挑戰任務或者同BOSS對戰等等,無論一個人玩定一班人玩都唔會悶。


Mario Tennis 體感遊戲網球拍配件


遊戲類型:運動
遊戲介面:日文/英文/法文/義大利文/德文/西班牙文/荷蘭文/俄羅斯文/韓文/簡體中文/繁體中文
遊戲模式:1-4人
遊戲價格:約$492

撰文:Zoe