情人節送咩好?真係諗到頭都大埋呀!唔駛臨急抱佛腳,即睇小編推介情人節DIY工作坊,親手為另一半製作一份驚喜又有心思嘅禮物啦!



DeLuxe 進階銀匠系列工作坊

坊間好多班都使用銀黏土製作,雖然易做但感覺係無咁精細㗎,而呢個工作坊使用嘅係925純銀,學嘅係傳統金工技巧。加上採用Deluxe ‧ 18K Platinum Plating鉑金電鍍,造出嘅銀飾更能抵抗環境造成嘅金屬氧化。不但有各種質感紋理俾你選擇,仲有好多款式俾大家嘗試㗎。

鐘意型格嘅朋友仔可以選擇整對純銀戒指,親手創作獨一無二紋理嘅戒指俾自己同伴侶,型得嚟仲甜到入心,而家二人同行仲有相親相愛優惠價。

報名傳送門☞https://timable.com/event/1893935



木戒指製作工作坊

如果鐘意大自然嘅質感,可以試下整木戒指。木材共四十幾種木料俾你揀,大部份係紅木級別,甚至係珍罕木材。木工藝飾品本身帶有質樸低調嘅感覺,而木戒指呈現木紋天然嘅美感,相信能成為文青戀人嘅愛情信物!

報名傳送門☞https://timable.com/event/1894733



情人節手工木表工作坊

提起木工,又其實都同環保好有關係㗎!呢個工作坊就利用回收木材製作手錶,堅持推動環保,唔單止錶殼同錶帶用木材,為咗貫徹理念,仲可以選擇製作太陽能機芯,或者自動機芯款式。澳洲山火持續,燒毀大量樹海,今個情人節都不妨為大自然出一分力,減少浪費木材,為地球同另一半送上窩心禮物。

報名傳送門☞https://timable.com/event/1895436
(自動機芯款式)https://timable.com/event/1895452
(太陽能款式)https://timable.com/event/1895476



2020情人節皮革玫瑰工作坊

情人節又點少得收花呀,但年年送鮮花都幾浪費,放多幾日就開始凋謝。想長久保存你對另一半嘅愛意?試下親手製作皮革玫瑰,將真皮製成一片片花瓣,再組成一朵永不凋謝嘅玫瑰,特別得嚟又有心思。

報名傳送門☞https://timable.com/event/1893198



保鮮花擺設工作坊

鐘意鮮花質感,可以選擇整保鮮花,保鮮花以真花製作,保留咗花朵原本質感同色澤,保存期長達三年,放係屋企做裝飾真係賞心悅目。仲可以自選唔同裝飾品點綴,自訂獨一無二嘅花款,咁就唔駛擔心同人撞款啦。

而家二人同行仲有優惠添!

報名傳送門☞https://timable.com/event/1892048



Hidden Words 領呔縫製工作坊

想送野比成熟穩重嘅另一半,以下呢個工作坊就啱哂喇,縫製領呔十分實用!男士出入正式場合,不可或缺需要一條適合嘅領呔,展示個人品味。親手縫製嘅領呔,心意十足。更可縫上簡約英文字母,又或於皮套環印壓上日期或英文字語,表達愛意。

報名傳送門☞https://timable.com/event/1893766




近期疫情嚴重,雖然工作坊每班人數唔多,但記得都要保護自己,戴上口罩、勤洗手,預防勝於治療嘛。

想親手製作情人節禮物,又點只咁少!
撳入去睇更多你意想唔到咁好玩嘅工作坊:
http://bit.ly/2E1EGpB


撰文:Ro