立春後嘅天氣,一時潮濕一時乾燥,反反復復好難捉摸呀!如果房間太潮濕,瞓覺都唔舒服啦,仲有機會影響健康呀。下面有幾個方面對付潮濕天氣,而且簡簡單單就做到,立即學起來!

舊報紙吸濕


報紙真係居家良品,用嚟清潔玻璃窗又得,吸濕又得!只要卷起報紙再掛起,放入衣櫃,過一星期左右就可以再更換。雖然報紙好用,但報紙同時都係曱甴溫床,所以唔好囤積過多喺屋企。

關上向南的窗口


潮濕天氣多數係冬天同春天交替吹南風所致,所以關起向南面嘅窗口,就可以避免戶外嘅濕氣吹入屋。特別係拖完地之後,關窗再開電風扇。如果唔係,地下都幾難乾。

定期清潔洗衣機


回南天最煩一定係洗衫,冇太陽曬過嘅衫,總係有一陣味。好多人可能會選擇再洗過,但其實洗衣機都可能有問題!如果長期無洗過洗衣機內部,有機會蘊藏住好多細菌同污垢,令你嘅衣服洗極都唔乾淨。梳打粉係一種天然清潔劑,同時都可以用作洗衣機清潔劑。首先喺空嘅洗衣機滾筒加入約200克-227克梳打粉,之後正常開機洗。呢個清潔動作,最好每月做一至兩次。

長短掛毛巾


毛巾好易藏細菌,加上掛極唔乾,又有一陣味就更加唔想用。但只要將毛巾前後一長一短咁掛起,就會比疊住快乾。

用熱溫水拖地


液體溫度越高,揮發速度越快,所以用溫水拖地板比凍水快乾。但注意家中地板是否適合用熱溫水,而且拖地時亦要格外小心,若家中有小朋友,最好先帶孩子離開清潔範圍。