抗疫生活中,少不免有短暫除口罩嘅時候。為咗唔好浪費口罩,好多人除一陣都會選擇繼續戴返舊嘅口罩。但短暫除低嘅口罩,你又會點處理呢?有人會擺入信封或密實袋,今次就搵嚟幾款喺日本好流行嘅口罩收納盒同收納袋,好多都好靚呀!用咗都會開心啲!

口罩收納盒主要有兩個功能,一係保管臨時除低嘅口罩,二係存放備用口罩。即使口罩收納盒已經注明有抗菌除菌功能,但都要每日清潔,確保衛生。

日本ISETO 硬式口罩收納盒

日本ISETO 硬式口罩收納盒可以收納3個全新口罩,或者用作暫存舊口罩嘅用途。唔好新舊口罩擺埋一齊呀,因為入面無隔間架!呢款產品由環保材質製造。


 價格: $26 - $68不等

KOKUYO 口罩收納盒

KOKUYO係日本知名文具用品大廠,呢款口罩收納盒絕對唔簡單,佢嘅構造係精心設計過。對折口罩放入之後可夾住固定。最方便係開啟收納盒時,只需要按一鍵就可以打開。呢個盒嘅大小同襯衫口袋差不多,體積比起市面上其他收納盒細好多,男仔出街唔帶袋都適合用。另外,KOKUYO設計仲好貼心,盒內有位置擺放芳香消臭棒,咁就可以保持口罩清新。




價格: 約$69

SHF 銀離子消臭抗菌口罩收納袋口罩收納夾

除咁盒款,仲有口罩收納夾款。日本品牌SHF出品嘅口罩收納夾,設計輕薄,而且有分層用嚟區分用過,貼未使用過嘅口罩。外層仲有一塊具有抗菌、除臭功能嘅布標,用嚟吸走臭味同抑制細菌生長。造型設計時尚簡約,配色亦都好中性,不論男女老少都啱用。


價格: 約$89

franche lippee 口罩收納夾

日本少女風服裝品牌franche lippee都有出口罩收納夾,文件套款設計,分開左右兩邊擺放口罩。造型設計沿用franche lippee風格,可愛精美,絕對係少女首選。



價格: 約$68

大創(台灣店) 迪士尼口罩收納包

大創聯同迪士尼出品嘅口罩收納包,只有一個隔間。如果想暫存舊口罩,同時又想擺放新口罩,就唔係咁方便啦。不過大創產品勝在價錢實惠,買多兩個替換都唔心痛。


價格: 約$12

圖片來源: 網絡
撰文:ZOE