YouTube video


最近Netflix陸續上架吉卜力工作室21部經典作品,而吉卜力工作室喺新年度,亦為粉絲帶嚟好消息,就係有兩部新電影製作中!一部係由宮崎駿執導嘅《你想活出怎樣的人生?》,而另一部就係宮崎駿兒子—宮崎吾朗負責製作嘅新片。

喺大家等待新電影嘅時候,先睇吓吉卜力工作室為 Lawson 打造手繪風格廣告《マチのほっとステーション町之車站》,雖然廣告只有短短十五秒,但美感同可愛程度都爆哂燈!廣告由親切嘅「歡迎光臨」開始,店內有人選購貨品、有小朋友在追逐、有店員將貨品上架。每一位店員都好親切咁同客人打招呼。最後,小朋友撐上櫃台,學店員說話。整體氣氛都好溫馨同開心。


吉卜力工作室一向秉持初心,用簡單故事引導觀眾反思。這次廣告製作也不例外!原來早於19年前,吉卜力工作室已與 Lawson合作。當時《千與千尋》正值熱播時期, Lawson 便利商店亦有推出相關電影系列活動,所以當時嘅廣告片段由吉卜力工作室製作,同樣係用手繪風格,背景音樂更是由久石讓大師操刀。只係一個小小嘅廣告,已經有咁強陣容!兩段廣告都令人想不停重播,睇落仲會發現有關連!就係《マチのほっとステーション町之車站》第一幕嘅女店員,原來佢就係19年前廣告中嘅小女孩。當年佢同父母一齊去 Lawson 購買電影票,但如今已經成為 Lawson 嘅其中一員啦。


19年前傳送門: https://youtu.be/MiI-u1uz7Hc





圖片:Studio Ghibli、Lawson
撰文:ZOE