最近大家留喺屋企都留到悶,開始會出下街,甚至去行山,透下氣!但反而令到行山人士大增,仲容易引起爆發風險。 本身已經係山友嘅化學教父 K Kwong,除咗熱心搞HK Mask之外,亦都提供咗安全行山禮儀畀大家!


1. 去「高危行山徑」時,或者人與人之間的距離只有10零米内企2個人時,請全程帶口罩。

2. 上山除口罩後自己帶走,切勿放入山中的垃圾桶,馬騮同牛牛會摷垃圾桶。

3. 除咗口罩後,請注意附近有冇人行,如果有人行,請勿做「危險行為」產生飛沫,例如:咳、吐口水、大聲講嘢。

4. 見到有人後面跑山趕上亦不必向後望,只要左、右移動就可以,跑山友們有可能一路跑一路好大力呼吸,飛沫會比較多。

5. 非常時期,可以唔進行平時嘅行山禮儀「見到迎面山友大聲打招呼」,點點頭亦可以,以免產生飛沫。

6. 多D硏究地圖,或問人,邊度少D人行。我自己去果D,一般都冇乜人識去,寫俾你都冇乜用,例如:西流江、大水湖、青松紅壑@青山腹地、杯靈双渡、長咀、大蛇灣、女婆山、老虎騎石、牛耳石山、鹿巢山、石獅山、乾隆古道 ......太多太多

另外高危多人4大徑、郊遊徑(例多黄龍坑、船灣)、獅子山、九徑、太平山、平/長/南/東/塔/蒲等等島仔,可以避免就少去!

資料來源:K Kwong Facebook