早年係好興美顏相機,但隨住美顏相機嘅進化,影出嚟嘅效果好似越來越假。如果你都用美顏相機用到悶,不如試吓菲林效果嘅影相APP啦,仲可以增添個人風格。另外,仲搵嚟幾個台灣插畫師得意貼圖APP推介比大家,重點係免費㗎!

菲林效果APP:
NOMO


NOMO內置37個菲林機效果,暫時有大約5個係免費,其他就需要付款啦。小T就最鍾意TOY F呢部機嘅效果,最驚喜係可以玩埋多重曝光,出嚟效果都幾正㗎!另外一個效果,就係仿效2007年嘅iphone鏡頭,APP嘅介面會仿效埋對應相機嘅樣,即係你選用2007 iphone效果,APP介面就係當年iphone嘅樣,相當細心。上年NOMO仲同日本品牌fxxkingrabbits合作,影出嚟嘅相係有fxxkingrabbits logo㗎!


FIMO


還原度超高嘅菲林質感影相APP!APP內有大約十五款菲林膠卷比用家選擇,有一部份是免費!影相介面仲還原咗菲林機嘅取景框、換菲林方式同快門聲等等,連焦距都係人手手動。除咗可以用APP直接影相,亦都可以加入相簿內嘅相,當後製影相濾鏡咁用!


以下幾個台灣插畫師貼圖APP都係由同一間公司製作,操作大致相同,只係插畫公仔唔一樣。可以用內置相機直接影相,或者選擇相片後加公仔貼圖都得。首先有三項相片比例供選擇,之後可以選邊框、表情貼圖同文字,製作完成後可以直接發表到社交平台上,好方便!

喂wei 相機



Yen Yen


MORITA


Lu's Camera


圖片: 網絡, ZOE
撰文:ZOE