今日康文署宣佈局部開放香港中央圖書館同六間主要圖書館,即大會堂公共圖書館、九龍公共圖書館、荃灣公共圖書館、沙田公共圖書館、屯門公共圖書館同屏山天水圍公共圖書館嘅成人、青少年及兒童圖書館,並且實施特別開放時間。為咗避免人多聚集,圖書館將會控制入場人數,喺服務時間內分段開放,每節約一小時,市民可以派籌以先到先得方式進館。

屏山天水圍公共圖書館被稱為全港最美圖書館,係香港第二大公共圖書館,樓高8層,亦係首間讀者可以攜書到戶外庭園同綠化平台閱讀嘅公共圖書館。圖書館設計寬敞,以日系木色做主要設計,中庭的空間同落地玻璃可引入自然光,環境真係好舒服,就算唔睇書,坐喺度望吓天發呆都已經好滿足。圖書館喺正天水圍西鐵站隔離,雖然偏遠,但都算好方便。




樂湖刀削麵
呢間刀削麵嘅麵/餸辣度都可以自選,食刀削麵最怕食到一舊粉團,呢間當然唔會啦,而且份量仲好足,鍾意重口味嘅朋友可以去呀。



地址: 天水圍天湖路1號嘉湖新北江商場1樓C41B舖
營業時間: 星期一至日 12:15 - 22:00

麗江雲南米線
呢間係小編最愛,不過真係人好多,要比耐性等待。呢間嘅小窩米線小辣湯底好惹味,食過一次就上癮,夾埋酸菜同腐竹,可以吸埋湯底嘅辣味!另外,酥炸肉同雞翼都係出名之作。



地址: 天水圍天湖路1號嘉湖新北江商場一期1樓C45A號舖
營業時間: 星期一至日 10:30 - 21:30

圖: whyinHayley, 愛辣
文:ZOE