屯馬線開通咗成個月啦,除咗去顯徑街市掃街,仲可以去附近村屋幫襯小店,話唔定會有驚喜!最近發現咗呢間西餐小店,開業一年未夠㗎,由一對夫婦用心經營。出顯徑站後,過一個燈位,之後直行見到匯豐銀行,向右轉就會見到呢間餐廳。小店係樓高兩層嘅村屋,外牆有顏色豐富嘅壁畫,夜晚去仲會見到開哂波波燈,好有氣氛!由於顯徑偏向住宅多,亦冇大圍咁旺,但開通咗地鐵之後就更方便,啱哂同朋友靜靜地聚會。

德國腸拼盤


呢個拼盤除咗啱哂鍾意食肉嘅朋友外,亦都適合同一大班朋友分享,因為佢有齊四款德國腸,包括香草味、辣味、香濃芝士同紐倫堡腸。配埋啤酒仲有德國feel!

德國鹹豬手


炸到外皮層脆卜卜,肉質幼滑,入口就感受到肉汁,而且份量足夠,加埋薯蓉一定飽肚。

西班牙海鮮焗飯


西班牙出名海鮮焗飯,呢度都食到!焗飯有大蝦、魷魚、青口、魚、帶子,用料十足。絕對唔係馬虎之作。

另外甜品都好好食㗎!



Dream Bistro 夢想小館


地址: 大圍顯貴里顯田村61號地舖G/F
營業時間:
星期一至二, 星期四至日 12:00 - 23:00
星期三 全日休息

圖片: info.dreambistro
撰文: ZOE