最近大家都會周圍捐窿捐罅,幫襯唔同嘅黃色小店,好多時大家都係去食lunch或者夜晚,加上疫情關係,相信唔少人都少咗幫撐小食店,因為唔敢當街食嘢,但其實唔少小食店都好需要大家支持!今次小T特別介紹元朗良心小店地圖:甜品小食篇 !





多寶雞蛋仔
喺元朗開業多年嘅多寶,主要賣雞蛋仔、夾餅,同埋燒賣魚蛋等等。老闆同老闆娘一向好有善心,曾經有網友指出見過老闆送雞蛋仔畀推住紙皮嘅婆婆!而且亦多次支持罷工,響應市民。而作為成日幫襯嘅街坊,小T表示佢嘅魚蛋係用豉油王魚蛋整成,仲好好味!

地址:元朗擊壤路9號金寶大廈地下11號舖



小息時間
主要售賣炸嘢同台式飲品,亦有台式小食好似鹽酥雞等,以及炸燒賣、炸西多士等港式口味,曾經參與罷市、派飲品,以及捐款畀慈善機構等等。

地址:
元朗擊壤路9號金寶大廈地下6B號舖


香蕉仔

最新消息:已經結業,但官方Fb指出正在計劃找店舖重開

香蕉仔係賣泰式香蕉煎餅,老闆早前更將10月份嘅生意額扣除平均收入後,全數捐予星火,而且香蕉煎餅仲有唔少口味,有加入Nutella,仲有蛋餅選擇,係唔錯嘅甜品選擇 。

地址:元朗大陂頭徑褔星樓地下6號舖



旮旯
旮旯最出名自家製糯米糍、葛餅,仲有多款日式甜品!另外都有提供多款日式輕食,可以靜靜地坐低試下甜品。而且多次罷工支援年青人,並且安排「隨緣樂助」方式,將營業額扣除成本,全數捐星火。

地址:元朗裕榮徑11號好旺洋樓地下16號