成日有人話,做手工都要講天份,小T就覺得有一份肯探險嘅心,絕對勝過一雙靈巧嘅手!
但喺要鍛練自己嘅手作能力,都唔駛一嚟就打大Boss,以下小T就精心挑選幾款新手啱玩又得意嘅工作坊!

PePe 主題迷你霓虹燈工作坊☞https://timable.com/event/1902743


霓虹燈充滿香港本土特色,有時出街見到啲霓虹燈牌,都會走過去打下卡。又有冇諗過自己整返個霓虹燈?製作霓虹燈難度唔高,而且可以輕鬆扭出想要形狀!


DIY迷你積木生態缸工作坊☞https://timable.com/event/1900256


有時喺Office放一啲小景物,唔單止環境舒服咗,個人都會精神啲!但如果放花花草草都幾單調,想生動啲,可以創造一個水世界俾小蝦小魚同水草。
製作生態缸一啲都唔難,工作坊已經準備好所有材料,只要按照想法逐一裝飾水森林就完成啦!


七輪水晶手鏈工作坊☞https://timable.com/event/1900607


帶水晶唔一定代表迷信,無論莊重場合,還是初次約會,只要同衣著配搭得宜,水晶手鏈都可以係最佳時尚飾品!唔同水間亦都有唔同能量,按自己喜愛顏色盡情製作一條水晶手鏈,製作簡單,仲少女心十足!


水晶押花工作坊☞https://timable.com/event/1898585


押花絕對係新手必試之選!水晶凝膠難度唔高,選好模具,排好花材,乾固後就成功擁有一對森系飾品。仲有項鍊、手鏈同耳環等俾你揀,如果喺文青嘅你,飾品花材嘅色彩搭配絕對難你唔到啦!



想睇其他工作坊,又點只咁少!
撳入去睇更多你意想唔到咁好玩嘅工作坊:
http://bit.ly/2E1EGpB


撰文:Ro