講起當代藝術,相信有好多人都會諗起普普藝術(POP ART),因為POP ART風格擁有鮮豔嘅顏色,將一啲通俗流行嘅文化複製展示,例如將金寶湯、瑪麗蓮夢露變色重複排列,熟悉突出嘅風格令人留下一個深刻印象。而家我地會將呢種流派當成一種潮流風格,但喺普普藝術嘅出現,其實有更深層嘅含意。

Andy Warhol,《Campbell’s Soup Cans》, 1962年

普普藝術喺六十年代出現,"POP"意思來自"popular",亦即指普普藝術喺一種「流行藝術」。最主要喺反抗傳統學院派嘅權威文化,擺脫藝術應該以傳統、貴族式嘅華麗去創作,而融入日常生活中。 另一方面當時社會正面臨娛樂事業嘅高速發展,電視、電腦等令人們走向一個新科技時代,消費模式亦講求快捷方便,普普藝術就因此而生,回應當時呢種時代嘅變化。


普普藝術多以絲印印刷而成,利用絲印版畫可以大量複印嘅特性,大量生產藝術品,應付供求,符合普普藝術「速食」、「便宜」同「大眾化」嘅原則,將藝術世俗化,而正正就喺呢一種與眾不同嘅流派,廣受大眾接納同喜愛,至現今依然喺設計行業嘅繆思女神,對流行時尚設計有深遠影響力。

草間彌生,《南瓜》,1991年

比如草間彌生,畫作中經常出現重複而強烈嘅波點同南瓜。

村上隆,《A Summer Vapor Trail》,2018年

村上隆小花公仔應該喺唔少讀者學生時期都有過一隻,而佢嘅作品亦喺當代普普藝術嘅代表之一。

想試下收藏藝術品,唔一定要出去買幅複製品,普普藝術原意想將藝術融於生活,不妨試下自己動手創作,以噴畫創作屬於自己嘅POP ART!


太空Pet系列.宇宙星空 噴畫工作坊☞https://timable.com/event/1901540


本地原創 PopArt 人像噴畫工作坊☞https://timable.com/event/1901546



想睇其他工作坊,又點只咁少!
撳入去睇更多你意想唔到咁好玩嘅工作坊:
http://bit.ly/2E1EGpB


撰文:Ro
圖源:Oz Zingaro、網絡圖片