動物森友會大熱,但係對好多冇switch嘅人嚟講,又唔太想為一個game去買部switch嘅話,其實有唔少手機遊戲,都幾吸引,可以慢慢玩又唔會太Chur,今次等小T介紹幾款療癒系遊戲畀大家喇!



動物餐廳

經營模式遊戲,一方面要增加店面佈置,一方面要招待客人,而客人都係可愛嘅動物,見到都覺得療癒!


企鵝島

主要用時間嚟建設島上唔同設施,從而增加各種類型嘅企鵝及數目。畫風簡單又充滿大自然感,有種寂靜嘅感覺


養海獺

放置型養育遊戲,利用唔同素材去養可愛嘅海獺,以及互動!


Purrfect Spirits

玩家剛開始會在一個空蕩蕩的屋子招來許多流浪貓咪,透過喂飽佢哋嚟換取金幣,金幣可以購買新傢俱來裝潢家裡讓更多貓咪可以嚟玩!


Pancake Tower

挑戰 Pancake 層層疊,疊到最高最穩就最高分!係簡單類嘅小遊戲!


《小角落》SUMI SUMI

最近大熱嘅角落小夥伴,有冇燒到你呢?呢個遊戲主要係消除類,將同色嘅角落小夥伴消除,就可以過關!